"امسك فلول " تعلن حرب " الإفيهات " علي "أبو حامد"
بسبب قلة أعداد المشاركين في مظاهرات 24 أغسطس التي دعا لها عدد من القوي السياسية لإسقاط الإخوان شنت صفحة " امسك فلول " هجمة ساخرة من المشاركين بالصفحة وقامت بتسميتها " بثورة القلش " .
فقال محمد علوان أحد المشاركين " ده لو واحد رايح يطلب ايد واحده , بيروح معاه ناس اكتر من اللى راحوا يعملوا الثورة دول " وقال أحمد حامد " رب قوم ذهبوا الى قوم فلما القوم الاولنيين راحو يعملة ثوره ملقوش القوم التانيين خدو تاكسى ورجعو " وعلق أخر " تقريبا ثوار المنصة خدوا الأتوبيسات والفلوس بتاعة ابو حامد يصيفوا بيها وطلعوا على جمصة " وقال أهلاوي " الثورة لسة مش هتبداء دلوقتى هتبداء الساعة 6:00 عشان جلد سبايدر جلده حساس مش هيتحمل الشمس وممكن بشرته تبوظ " وقال أحمد كريم " أتوجه بالشكر والتحية للنائب محمد أبو حامد عى جهوده في المليونية الكوميدية 24 أغسطس والتي جعلت 85 مليون مصري يفطسوا من الضحك يا راجل بقى دي مليونية دا الى واقفين على محطة أوتوبيس شبرا أكثر منها.
وقدم أحدهم نداء للمجاهد أبو حامد " مليونية اليوم قائمة وبقوة ، بس احنا عاملين إخفاء " وقال إسلام عصام " مش هيمشى احنا نمشى " صيدلانية مسلمة ذكرت " الأعداد جبارة فى الميدان ،،،بس المتظاهرين داخلين أوف لاين " إبراهيم السروتي " الهتاف الآن اللى بيسأل إحنا مين؟؟إحنا أصلا مش عارفين " وقال أحمد عبد الله " هيه الثوره دي هتبتدي الساعه كام ؟؟؟ اللب والتسالي اللى معايا قربوا يخلصوا " وقال حاتو أحمد رأفت " هل تعلم لماذا سميت ثورة 24 أغسطس بهذا الاسم ؟ لأنها كانت في شهر اغسطس و شارك فيها 24 واحد " .
ومن التعليقات الساخرة أيضاً " الثورة دى هدفها إسقاط الإخوان ... من الضحك !! .. سماع دوى انفجارات فى محيط المتظاهرين ووقوع عدد من الاصابات نتيجة حالات الكر والفر الجماعى اتضح بعدها انها ....أكياس شيبسى بيفرقعها سبايدر عالارض .. هي ثورة 24 اغسطس دي لطلبه انتساب عشان كدا محدش بيحضر ولا ايه .. ﻋﺎﺟﻞ : ﺍﺟﺘﻤﺎﻉ ﻋﺎﺟﻞ ﻟﻤﻜﺘﺐ ﺇﺭﺷﺎﺩ ﺟﻤﺎﻋﺔ ﺍﻹﺧﻮﺍﻥ ﺍﻟﻤﺴﻠﻤﻴﻦ ﻹﺗﺨﺄﺩ ﻗﺮﺍﺭ ﺑﺪﻋﻮﺓ ﺍﻟﻤﻮﺍﻃﻨﻴﻦ ﻟﻠﻨﺰﻭﻝ ﻟﻠﻤﻴﺎﺩﻳﻦ ﻟﻠﺘﻈﺎﻫﺮ ﺑﻌﺪ ﺍﻟﻤﻐﺮﺏ ﺇﻧﻘﺎﺫﺍ ﻟﺴﻤﻌﺔ ﻣﻠﻴﻮﻧﻴﺎﺕ ﻣﺼﺮ .. يا جماعة بطلوا هزار بقى اللي مخبي ثوار 24 اغسطس يطلعهم .. إيه الملل ده .. نظارات خاصه لرؤية الثوار .. الطرف التالت بيستغيثوا :" مش لاقين ناس يا بيه عشان ننزل في وسطهم ".
