بالصور.. قطط «جربانة» بمستشفى دسوق العام

أرسلت المواطنة «مى شوقى»، تعمل بمستشفى دسوق العام بمحافظة كفر الشيخ، عبر خدمة «واتس آب فيتو»، شكوى تتضرر فيها من الإهمال الذي يضرب المستشفى، بالإضافة إلى سوء معاملة مديرها، على حد قولها، مطالبة المسئولين بالنظر إلى تلك المشاكل.

وقالت المواطنة في رسالتها: «أنا شغالة في قسم الباطنة بالمستشفى، وفيه قطط كتير، بس مجددا فيه قطة ريحتها وحشة وجربانة والقطة دي الكل قرفان منها، واشتكينا أكثر من مرة ولا حد سال فينا».

وأضافت: «فدخلت للمدير الدكتور «م. ع» باقوله إحنا بنعاني من كذا وكذا ومفيش حاجة بتتحل.. قبل ما أكمل كلامي كان رد مدير المستشفى: اطلعي بره أنا مش فاضي.. وهزأني عشان باقوله على مشكلة وكإني ارتكبت ذنب عشان باتكلم.. مع إن عندنا فيه عدم انضباط في كل حاجة حتى حالات المرضى بتبقى جرحى وعادي.. مينفعش عدم وجود دكاترة وبرضه مينفعش نتكلم.. والمدير بيقول إنه عاوز ينقلني ومش عاوز وجع دماغ.. ساعدونى».

وتتيح «فيتو» لقرائها التواصل الدائم معها عبر كل وسائل الاتصال الممكنة للأجهزة المختلفة، وهي «واتس آب whatsapp، سكايب skype، فايبر viber، لاين line، بي بي إم BBM، وكيك kik»، وذلك عبر الرقم «01270709070».