أطرف تجارب النشطاء مع امتحان الفيزياء.. أحمد: «دخلت السينما ليلة الامتحان».. كباكا:«الفيزياء ماشية بضهرها حطت عليا»..نهلة: «الامتحان شكلو مش مريحني».. وريهام: «الله
دشن نشطاء مواقع التواصل الاجتماعي، هاشتاج بعنوان "فيزياء"؛ للتعبير عن صعوبة امتحان الفيزياء، وخوفهم من تلك المادة حتى أثناء الدراسة وفي الامتحان، حتى أن البعض لا يعرف إذا ما كان الامتحان اليوم صعبًا أم سهلاً، بالرغم من تداول امتحان الفيزياء بعد دقائق قليلة من دخول الامتحان.
ذكريات امتحان الفيزياء لم تقتصر فقط على تجارب الممتحنين في الثانوية العامة هذا العام، بل تعدتهم لمَن واجهوا امتحان الفيزياء في الأعوام السابقة، ونرصد في هذا الإطار أطرف تجارب النشطاء مع امتحان الفيزياء.
ليلة الامتحان
قال أحمد نادي: "ليلة امتحان فيزياء من 3 سنين دخلت فيلم المصلحة في السينما، وتاني يوم روحت الامتحان عادي جدًا، المهم جبت 50 من 50 أهم حاجة الهدوء وراحة البال"، وعبرت "كباكا بلو بري" عن رأيها قائلة "الفيزياء ماشيه بضهرها حطت عليا"، وعلق نودز: "فيزياء ثبتهم عند السؤال يا رب...ادعو لاخوتنا الآن يُسألو في المادة بنت التيت دي".
دليل التقويم
وقال سنتياجو: "من كتر الرعب كان عندي نيوتن والامتحان والوسام الأصفر والأزرق ودليل التقويم والجرايد والتوقعات المرئية وليلة الامتحان".
علا سمير أضافت: "فضلت الـ«3 أيام» اللى قبل الامتحان مش عارفه أنام، وأول ما دخلت اللجنة فضلت متنحة ربع ساعة على ما فتحت ورقة الإجابة".
وقالت «نهلة»: "الامتحان شكلو مش مريحني"، وعلقت بريهان أحمد: "أكتر مادة كنت احب أذاكرها ومهما أذاكر الامتحانات تيجي شكل تاني، وكان عندي مدرس في ثانوي إبليس جمبه ملاك كنت بكرهه".
عياط وعويل
وعلقت آية خالد: "فيزياء عمري ما أنسى كميه العياط اللى عيطاها بعد الامتحان الدرجات اللى نقصتها فيها أكتر من مجموع الدرجات اللى نقصتها في باقي المواد".
وقال «هادي»: "بعد مرور سنة على الثانوية العامة بتاعتي ييجي في نفس اليوم الامتحان الفيزيا، وأنا في الكليه فيزيا في الثانوية وفيزيا في الكلية".
وأكد إبراهيم البرادعي: "الناس اللي بتسرب امتحانات الثانوية العامة كنتوا فين يا ظلمة واحنا لسه طلبة؟"، وذكرت آية حسن: "البلد دي بقت ماشية بمبدأ ذاكر تنجح غش تجيب مجموع".
تسريب الامتحان
وأضاف كريموفيك: "حرام حرام يا إخوانا، اتقوا الله وافتحولنا فرع ليكم في الكليات بقى"، وعلق أيثنول أمين: "امتحان الفزياء اتعمله نموذج إجابة ونزل ع النت كمان، مش ده اللى مزعلني.. اللي مزعلني إن اختى سايبة الموبيل ف البيت! ثانوية عامة فيزياء".
وقالت بريتي ساسا: "طالما بقى ف طريق لتسريب امتحان الفيزياء يبقى ليهم حق يشيلو تكليف طب وصيدلة، لأن كدا هيكون عندنا ماسورة دكاترة وصيادلة هتنفجر فيزياء"، وأضافت رشا: "يااااااارب..كفاية أعصابي تعبت من المادة دي".
وجاء تعليق ريهام محمد كالتالي: "الله يحرقهم ضيعوا هيبة الفيزياء بتسريب الامتحان"، وأضافت لانا: "عمري ما شفت تعاون وتجسد لروح الفريق في مصر إلا في اللحظات اللي زي دي"، وتابعت ياسمينا: "فيزياء هقولك إيه خلاص روح أنا مليت ومجروح ومش هبكي ع حلم اتكسر فيا".
