«هي كدة الحياة» قصيدة للشاعر محمد عبد الله توفيق

هي كده الحياه
بحر وفين منتهاه
شط وفين مرساه
سحاب ومش لاقى سماه
هي كده الحياه
دنيا ووخدانا.. للذل شدانا
عن ضحكة بعدانا.. وقلوبنا عطشانا
يارب قوينا.. نرسى على مينا
د احنا صبرنا سنين
طول عمرنا ضايعين
تايهين في ليل الآه
هي كده الحياه
عايشين في ضلمة عصور
بنعدي سور ورا سور
و القلب قلب جسور
بس أسانا شديد
محتاج لقلب حديد
مش قلب لحم ودم
د احنا واقعنا يغم
من ظلم جيل ورا جيل
شقا وحظ قليل
طول عمرنا في الآه
هي كده الحياه
يا دنيا ميلى علينا
لحظة هنا هنينا
و بنسمة دفا دفينا
خلى قلوبنا تعيش
حزن وفرح مفيش
د احنا جرحنا ملينا
و اوعى يا دنيا في يوم
من تاني تقسي علينا
ما كفاية العذاب والآه
هي كده الحياه
هي كده الحياه