أطرف تعليقات النشطاء على هاشتاج «الشطافة خط أحمر» بعد شائعة منعها.. خالد: «اللي هيجي جنب الشطافة هفجر القاعدة».. سما: «دي الحاجة الوحيدة اللي مصبرانا على العيشة».. ومحمد:

وكتب الجاحر "هيلغوا شطافة الحمام علشان يوفروا الميه"، وذكر محمود مكي: "يعنى يوم ما نيجى نقلد الدول المتقدمة في حاجة نقوم نلغى الشطافات".

الشطافة رجس
وكتب كريم مغاوري: "مباحث الشطافات الشطافة خط أحمر"، وذكر محمد التهامي: "هو الواحد يغيب يومين عن تويتر يرجع يلاقى الشطافة لغوها ؟!! زعلانين على كذبة الشطافة وخايفين على نضافتهم في الوقت اللى هم مستخسرين يجيبوا مزيل بـ15 جنيه يشيل ريحة العرق اللى خنقتنا"، وتابع طه كمال:"وطبعا خطبة الجمعة الجاية عن أن "الشطافة رجس من عمل الشيطان، لا تتشطفوا لأنكم ستندمون".

تفجير القاعدة
أما خالد أحمد، فعبر ساخرًا: "اللي هييجي جنب الشطافة أنا هفجر القاعدة.. معا لحملة تلغيم الكومبنيشن".
وكتبت نيفين حشاد: "ودي آخر حاجة إحنا كمصريين فخورين بيها الشطافة خط أحمر"، واستطرد عطوة كنانة "الشطافة خط أحمر، يا ويل اللي هيتمسك متلبس"، وزاد محمد سامي: "هو لو الخبر ده حقيقى الناس هتقضيها مناديل يعنى ولا إيه الشطافة خط أحمر".

شرطة الشطافات
وقال بمبو "طب أدفع ال ١٠٠٠ جنيه وأخد الشطافة حق انتفاع ١٠ سنين ويجدد"، وأضاف يحيي: " يعنى أنا متجوز وعندى أربع عيال وعندنا إسهال..نتحبس يعنى علشان مقدرناش ندفع غرامة.. ولو مسكونى متلبس هيسيبونى أكمل ولا هايخدونى كده حالة تلبس..الشطافة خط أحمر".

وجاء تعليق رضوي كالتالى: "الشطافة خط أحمر، يعنى لو شرطة الشطافات مسكت واحد غلبان متلبس، وهو بيتشطف ومعهوش 1000ج الغرامة.. هتعتقلوه!!!، وتابع عبد الله الجزار " تمسك واحد متلبس وتبقي تهمته في المحضر كان بيتشطف".

الصيام والشطافة
وأشار عوبد إسماعيل إلى "الحكومة عملتلنا رمضان جديد بس الصيام المرة دى عن الشطافة علشان نحس بالفقراء اللى مش بيتشطفوا وبيعانوا"، وقالت مو غانى ضاحكة: "هو إنتو مش عاوزين تبقوا زي أوربا في كل حاجة، أوربا مافيهاش شطافة"، وتابع ميدو: "أنام ساعتين أصحي ألاقي الشطافة اتمنعت واللي هيتمسك متلبس بيتشطف هيدفع غرامة..جرا إيه يا بلد...في إيه".