هاشتاج «ألف كأنك زاب ثروت».. حاتم: «أنا حاسس بالعذاب.. قمت أفتح الباب.. الجو ساقعة هباب».. إسلام: «أنا عايز أشوفك بس.. أبوكي هيقعد يبص».. معتز: «وأنا اللي كنت بقول ع

سخر نشطاء مواقع التواصل الاجتماعى، من مطرب الراب أحمد ثروت، الذي لقبه جمهوره بــ«زاب ثروت»، ودشن نشطاء موقعي «تويتر» و«فيس بوك»، هاشتاج، يحمل عنوان «ألف كأنك زاب ثروت»، ورصدت «فيتو» أبرز التعليقات الساخرة.

حاتم سعد: «أنا اسمى زاب..وحاسس بالعذاب..قمت افتح الباب..الجو ساقعة هباب..والأكل عليه ذباب..اكلت كفتة وكباب مفيش حاجة تانى اخراها اب».
حورية: «اشواق بتاعة خدمه عملاء موبايلي اللي بتتصل تتسلي عليا كل يوم ماتصلتش من يومين ياترى يا اشواق لضمتي مع مين».
سليمان: «جلسنا تحت شجرة فالرحاب وقولت لها هاتى بوسه يا بت شهقت من مناخيرها وقالت نعم نعم يا روح امك انت شاقطنى من الدائرى ولا ايه».

إسلام غزير: «أنا عايز أشوفك.. أشوفك وبس.. بس ابوكي هيقعد يبص.. ويقولك رايحة فين.. طب مع مين.. هترجعي 5 ولا 5 ونص»
شريف فوزى: «أنا كنت معدى جنب الاوتوستراد افتكرتك لما جبتيلى الايراد كنت بعمل شاى واتحرقت أيدي من البراد عقبال ماتتحرقى وتبقى رماد».

بينما علق معتز محمود ساخرا، بقوله: «وأنا اللي كنت بقول على الحلزونة يا ما الحلزونة قصيدة شمال!»
أحمد عاشور: «زاب ثروت بيعمل دعايه للرحاب».
لانشون: «كنتي بسيطه جميلة ماتعرفيش انا مين ولا فارق معاكي اني شريف الشريف بتاع أحمر على ابويا بطيخ».

عمرو: «جيت أألف إني زاب ثروت، لقيت نفسي برقص راب وصوط، نطيت من الشباك وقعت، وقومت، وتعورت والناس ملمومه بتصوط بتصوط».
منة هاشم: «وحبيتك ومخبيتش وقولتلهم ومكشتش وزعقولي ومتهزيتش وعصبتيني ومتفشيتش عشان حبيتك ياما هيتاب يوم ما قابلتك صدفة في الرحاب».

بوس بوس: «وانا بسمع فيروز قاطعنتني النيوز وضرب في البيت الفيوز وعرفت أن المنتخب مش هيفوز وافتكرت ضحكتك وروحت الرحاب اشرب بيبس».
ريهام المصرى: «كنت خارج وبفتح الباب خارج لابس قبقاب لقيت مرمى عالارض جواب قولت طب مألف كتاب بس للاسف طلعت فكرة هباب».