"واي مِن لَوڤ مُزَز" كتاب جديد لإيهاب معوض

يصدر قريبا الكتاب الثالث للكاتب إيهاب معوض بعنوان "واي مِن لَوڤ مُزَز"، ومن المقرر أن يباع الكتاب في معرض القاهرة الدولي للكتاب 2015.

من اجواء الكتاب " شُفتها بعيني داخلة المكتبة وهيَّ بتتلفت شمال ويمين، ولمَّا اتأكدت إن مفيش غيرها، في ثانية كانت خاطفة الكتاب ومخبياه ورا ضهرها.

أنا بصراحة في الأول - ورغم مظهرها الأنيق - توقَّعت أنها هتسرق الكتاب وتمشي، لكن فجأة لقيتها بتتحرك تاني وبمُنتهى التوتر ناحية الكاشير.. دفعتْ وجِريتْ على بره.

أنا طبعًا الفضول كلني، ودخلت أسأله هيَّ ليه كانت متوترة بالشكل ده؟

- يا باشا ما انا خدت على كده.. أي واحدة بتشتري الكتاب ده بتبقى مكسوفة وخايفة حد يشوفها.

- ليه إن شاء الله؟! كتاب كيف تزرع الهيروين؟!

- يا ريت.. ده كتاب «Why Men Love Bitches» بتاع «شيري أرجوف».

أنا طبعًا وقعت على روحي من الضحك وأنا بافتكر شكل محمود صاحبي ليلة زفافه وهو داخل الصيدلية يسأل على حبوب مُنشطة... للذاكرة".


إيهاب معوض مؤلف وكاتب صحفي. صدر له: «برضه هاتجوز تاني» (2010)، و«الرجال من بولاق والنساء من أول فيصل» (2012).