بالفيديو.. «أبو حفيظة»: في كل بيت مصري «سواق ميكروباص» متخفي !
أوضح الإعلامي أكرم حسني، مؤدي شخصية «أبو حفيظة»، طريقة معرفة سائق «الميكروباص»، من «دليل أبو حفيظة، من غير معلم».
وقال خلال برنامجه «أسعد الله مساءكم من جديد»، المذاع علي فضائية «ام بي سي مصر»، «ابنك لما بياخد فلوس ومايرجعش الباقي ده سواق ميكروباص، ولما كل شوية باباك يفكرك تقفل باب الثلاجة، ولما تقفله يقولك براحة، تشك ساعتها أنه سواق ميكروباص».
وتابع: «لما تبقي نازل ويقولك نازل فين؟، ولما تتفرج علي الماتش يقولك خلاص هنا! الكنبة فاضية ورا، تتأكد ساعتها أن باباك سواق ميكروباص، والطفل الرخم اللي بيطلع السلم الكهربائي بالعكس، حيطلع سواق ميكروباص، وصاحبك اللي الهارد بتاع الكمبيوتر بتاعه أتملي، ولسه بيحمل عليه، ده سواق ميكروباص».
