محمد نجيب عبد الله يرثي "القنصل" بقصيدة "مــات"

مات وخلاص... زي أي حد فينا..
زي أي حد مات إمبارح وماعرفناش..
كان مجرد شخص..
ومات..
زي أي كلمة لما تخرج من شفايفك..
شقت محال السكات..
بس بعد ما خرجت وقلتها..
كل اللي قلته.. خلاص...
مات...
زي دمعة تنزل ع الخدود..
تموت معاها حكاية...
لأن اللي حكاها...
مات...
زيه زي اللي فات..
والذكريات..
وحب مكتملش ف... مات...
زي اللي مضى واللي كاين
وكل اللي آت...
وأهي محصلة بعضها...
فمش هيفيد البكا...
أصل البكا... كمان...
مات...