"مش هنسامح" شعر لـ"سامح لطف الله"

مش هنسامح
مش هتصدق
عمره ماصلي
لمّا القاضي في وشه إتملَّى
وسابه يقول
طلع الراجل جواه شيح
كسر الغصحى وهد كيان
أصل الباشا يا عم تاريخ
هوه وهوه
كل الناس تتكلم برة
ماسك الخيط جواه من جوه
كل العالم كان في مؤامرة
علشان ثورة ما هيَّاش ثورة
كانت هوجة وجايا من برة
واللي عملها كان معروف
جوة ف اوضته ظبطنا الكاميرا
كله يا باشا ع المكشوف
عالم كل بواطن أمرك
كل الناس مربوطة بأمرك
الغزاوي واللي إنأمرك
واللي إندولر واللي إدرهم
واللي إتبرنط واللي إتشرمط
طب طبيتوا يا باشا إزاي؟
وبتستجدي العفو لأمرك
فتحوا السجن وخرجوا الناس
وانت دخلته بقية عمرك
مين هيسمي يا باشا عليك
لمّا في خيَّة وجات رجليك
اللي ما سمَى واللي ماصلى؟
واللي كنسها وحتى ماخلّي؟
عمر الدنيا ما تُلْطُفْ بيك