والدة شهيد العريش: "الإرهاب حرق قلبي على ابني"

بحزن وأسى وإحساس بالقهر والألم قالت والدة السيد إبراهيم السيد شهيد الشرطة بالعريش أمس بعد اغتياله على يد مسلحين أمامه "الإرهاب حرق قلبي على ابني وشربني ناره وآه من حرقة قلب الضنا منهم لله الخونة".

وتابعت "قتلوا ضنايا اللي كان بيصرف عليا ويسأل عنى كل يوم.. ابني حبيبي مكلمني إمبارح الساعة 3 العصر عليه وقالي شدي حيلك يا ماما وخدي بالك من نفسك".

تستكمل اتفاجئت إن خاله داخل علي البيت وبيسأل على إخوته تامر وعامر وبيقولى هما فين قولتله ليه أخوهم لحق جراله حاجة ده لسة قافل معايا انهار في البكاء وقاللي ابنك استشهد يا أختي وظل يلطم ويبكى مضيفة "آه على حرقة قلبي أه من موت الضنا".

وقالت "أطالب وزير الداخلية محمد إبراهيم يستجيب لمطلبي ويشغل إخواته الشباب الاثنين تامر وعامر عشان يكملوا المشوار ويعينوا ولاده على مشوار حياتهم ويشغلهم هنا في الإسماعيلية جنبي مبقتش حمل فراق ولا قتل ولا موت".