«غشاشون فدائيون» تخذل طلاب الثانوية العامة.. مصطفى: مش هكمل.. رهف: مفيش ولا كلمة من التسريبات موجودة في الامتحان.. ميدو: التعليم في مصر عبارة عن ضربة حظ.. عمرو: بكره يدخل هندسة ويطلع من غششن
حالات الغش الجماعي في الثانوية العامة استوقفت عددا كبيرا من الطلاب، وخاصة أن حالات امتحانات الثانوية العامة كانت تسرب من خلال تويتر.
طلاب الثانوية العامة دشنوا هاشتاج "غشاشون فدائيون" لإبداء رأيهم في حالات الغش الجماعي وتسريب الامتحانات التي زادت مؤخرًا، حيث أكد البعض أن تسريب الامتحانات تضر الطلاب الذين التزموا وكانوا يستذكرون دروسهم طيله 8 أشهر.
مصطفى الطوخي:" مش هكمل لما يبقي في تسريب وفي غش جماعي، وبالتالي عدم تكافؤ الفرص يبقي «ثانوية عامة.... غشاشون فدائيون"...
الإمام 22: غشاشون فدائيون أكثر شعب قلق في العالم.. امتحانات اضطرابات سياسية مستقبل قيم ودين ووطن" ..
عبد الله محمود: غشاشون فدائيون هم سبب نجاحي في الثانوية العامة".. رهف مختار " فرحانة فـي غشاشون فدائيون مفيش ولا كلمة من التسريبات بتاعتهم موجودة ف الامتحان.
some_power: غشاشون فدائيون المهم الثقة في النفس.. أنا كنت بحط البرشامة في جيب القميص وبعدها وسط ورقة الإجابة".. غنامي محمد:" غشاشون فدائيون هو بقى فيه غش في الثانوية العامة كمان.. طب إزاى!!!؟" دكتور شريف "حسبي الله ونعم الوكيل أنتم بتضيعوا مجهود ناس.
شوشو شوشو:" مصر بلد العجايب.. شباب كتيير في الثانوية العامة وأثناء تأدية الامتحان موجودين بكثافة على التايم لاين عادي.. هم بيمتحنوا على كافيه... ميدو مظهر:" التعليم في مصر عبارة عن ضربة.
محمد بغدادي راحت أيام الغش الجميل أيام البرشام والكتابة ع الحيطة، وتغفيل المراقب لكن دلوقتي أي عيل هتي معاه موبايل اندرويد يغش.. باظت.
يوكا فريد:" أنا أراجع مع مين دلوقتي.. غشاشون فدائيون بيحلوا غلط"... عمرو بدوي:" لكل الناس اللي بتغش في الثانوية العامة وهتجيب مجموع عالي... بكره يدخل هندسة ويطلع غشاشون فدائيون غششنى شكرا...
حسام أوفيشيال:" قل هل يستوي الذين يعلمون والذين لا يعلمون..غشاشون فدائيون غش براحتك بس ربنا مش هيكرمك في حياتك عشان ده مش تعبك.
أحمد ناصر:" مش هقول غير حسبى الله ونعم الوكيل فيك ياللى بتحط امتحان الإنجليزي منك لله... أنس الشال: " الحاجة الإيجابية الوحيدة في امتحان النهاردة أن غشاشون فدائيون معرفوش يغشوا.. قولتلكوا إن ربنا مش هيوفقكم أبدا.
مريم رمضان.. غشاشون فدائيون بجد نفسى أفهم بتطلعوا الموبايلات إزاى يا كفرة."
مريم:" يعني إيه واحد يبقي طالع... إلى خلفوه من شهر 8 وواحد يخش يقفل الامتحان وهو ميعرفش حاجة في المادة بس ربنا موجود أصلها مش بكده والله غش براحتك أنت ناسي أن في ربنا مطلع على كل ده.
جيجي هانم:" سرب الامتحانات غــش من الإجابات وانجح وابقى دكتور ومهندس قد الدنيا.
علياء إسلام:" غشاشون فدائيون ربنا ينتقم منكوا علشان بتاخدوا تعب ناس مش من حقكوا هتدخلوا كليات مش من حقكوا! وهعيشوا طول حياتكوا فلوسكم حرام! يا فشلة"..
