السيسي: "ما حدش هيقدر ياخد نقطة مياه من مصر.. واللى عايز يجرب يجرب" | فيديو

قال الرئيس عبد الفتاح السيسي إن سد النهضة ملف تفاوضي، مضيفاً أن العمل العدائي قبيح. 

وتابع الرئيس:" مسارنا تفاوضي بشكل يحقق الكسب للجميع.. ما تطلبه مصر وفق القوانين والمعايير الدولية". 

وتمنى الرئيس السيسي التوصل إلى اتفاق قانوني ملزم لقواعد ملء وتشغيل السد. 

وقال الرئيس السيسي: "ما حدش هيقدر ياخد نقطة مياه واحدة من مصر.. مياه مصر خط أحمر والمساس بها يؤثر على استقرار المنطقة بالكامل.. قول للناس كلها محدش هيقدر ياخد نقطة مياه من مصر واللى عايز يجرب يجرب.. احنا مش بنهدد حد وعمرنا ما هددنا وحوارنا رشيد جدا وصبور جدا لكن محدش هيقدر ياخد نقطة ميه من مصر وإلا هيبقى في حالة من عدم استقرار في المنطقة لا يتخيلها أحد". 

جاء ذلك خلال مؤتمر صحفي عالمي بهيئة قناة السويس بشأن أزمة السفينة الجانحة بالقناة.