الأحد 20 سبتمبر 2020...3 صفر 1442 الجريدة الورقية

تامر حسين عن أغنية عمرو دياب "يابلدنا ياحلوة": كنت أتمنى أقول مكان مكان وشبر شبر

ثقافة وفنون TAA
عمرو دياب وتامر حسين

محمود نبيل

عبر الشاعر تامر حسين عن سعادته بردود الأفعال التي تلقاها حول أغنية "يابلدنا ياحلوة" للنجم عمرو دياب عبر صفحته الشخصية على موقع التواصل الاجتماعي "فيس بوك".

اضافة اعلان
 

وكتب تامر «الحمد لله على ردود أفعال (الناس الحلوة) فى كل مكان فى بلدنا الجميلة بناسها الطيبة البسيطة من شرقها لغربها لشمالها لجنوبها كنت أتمنى أقول مكان مكان وكل شبر فى البلد والله عشان العالم كله يشوف جمال مصر وناسها حاولنا على قد ماقدر تجميع أبرز الأماكن أو المحافظات المترابطة القريبة لبعض اللى تمُثل قطاعا أكبر من الناس سواء فى وجه قبلى أو بحرى كلهم أماكن عظيمة نتشرف بيهم».

 


 


وأضاف «دى (أغنيتنا كلنا) ودعاية محترمة لبلدنا العظيمة بعد الكورونا وكل الظروف اللى بتمر بيها بلدنا الغالية وكل فنان قام بدوره على أكمل وجه عشان يقدم مصر وناسها الطيبين فى أجمل صورة مصر اللى مفيهاش عنصرية فيها البيض زى السُمر والمسلم اخو المسيحى وكل المشاهد الإنسانية والروحانية اللى بنشوفها فى بلدنا مع الناس الأصيله من كل فئات المجتمع المصرى وحاولنا نجسد الروح الحلوة اللى في شوارعنا وأحيائنا وبيوتنا والأماكن المصرية الأصيلة وعاداتها وجمالها».

وتابع «وكان عندى أمنية ان الفنان عمرو دياب يغنى جمُلة للعيد تعيش
طول العمر لأجيال وأجيال ودايماً فى بلدنا العيد عيدين ودايما ً مصر حلوة بناسها وأهلها الطيبين».

وإختتم «كل سنة وأنتم طيبين وبخير وعيد سعيد عليكم وعلى حبايبكم
وكل سنة ومصر حلوة بيكم ونخليها فى أجمل صورة بشبابها وأولادها المُخلصين والمتميزين فى كل المجالات».