إسماعيل ياسين في وزارة الرى: أنا مش جاى أعووووم.. أنا جاى أروي الأرض يا معالى الوزير!
لا والنبى ياخويا فتشنى فتش.. آه يانى يا وقعتى السودة يانى ياماما.. دi سيادة وزير الري عايزنا نتشحتف ونبوس على الإيد علشان نستأجر موتور الري الوحيد المرخص في القرية.. يا داهية دُقى ووسعيلى بُقى.. إننى أشعر بالشحتفة.. الحقونى بقزازة نشادر تفوقنى.. آه يانى يا قليل القيمة يا متشحتف يا سمعمع يا ابن ام سمعمع ..
يعنى أوافق على مشروع القانون اللي هيعطشنا ويعطش أراضينا وأنا ساكت ولا كلمة ولا نفس.. ولا حس ولا خبر.. هس هس علشان ماحدش ياخد باله.. تعالي لى ياماماااااااااا.. الحكومة عايزانى أبوس على إيد معاليها وأشكرها على نعمة المية.. آه والنبى زمبقولكم كده يا حبايبي وأهلي وناسي..
إنها هزلت وذبُلت وتنيلت بستين ألف نيلة.. ده أنا أول مرة أحس إن الحكومة والوزير وهيئة الري بيشحتونا ويصدقوا علينا.. الحقنى والنبى يا ريس أنت نصير الغلابة والفلاحين ووصي علينا والنبي ابن الغوالي القاطن بديوان عام الوزارة.. نفسى اسمع رأي معالي رئيس الوزراء مصطفى مدبولى في هذا الكلام غير المباح.. الذي لا يرضى سيناوي ولا سواحلي ولا صعيدى ولا فلاح.. ولا حتى القانون ولا الدستور ولا الأعراف..
الحكومة عاوزة إيه يا سمعمع عاوزة تطبق غرامة مالية وفقا للمادة 38 من قانون الموارد المائية والري الجديد بتقول كام يا سمعة 5 آلاف جنيه بتوع إيه..رسم ترخيص لاستخدام آلة رفع مياه. مش كده وبس ده كمان حضرت لجنة الزراعة والري بمجلس النواب، صباح الجمعة يعني ولا إجازة تهم ولا فلاحين وأرض مهم واخد بالك يا سمعمع علشان تشغل الموتور اللي أنا باني له كام قالب طوب على الترعة، وبروي بيه الكام قيراط اللي عندك تدفع 5 آلاف جنيه.. أمال العمدة اللي معاه خمسين فدان يدفع كاااام يا نفوخي يا ني ياما يعني العمدة يدفع 5 آلاف وأنا الغلبان ادفع زيه..فين ميزان العدل يا حكومة..
يعنى معالي وزير الري ومجلس "الشعب" قصدي النواب عاوزيني اشحت مية اروي بيها الأرض ولا اعمل ايه بالظبط..طيب أنا هجمع عشر فلاحين من حدانا وكل واحد فينا يدفع خمسميت جنيه ونرخص موتور واحد ونسقي بيه الأرض كلنا وسلم لي على الحكومة.
ماكانش العشم يا دكتور مدبولي.. ده أنا كنت بحبك وياما قلت في حقك كلام كويس.. طب وحياة شلاضيم بُقى التي لا أحلف بها كذبا بتاتا البتة أنا كنت بحبك وكنت فاكرك بتحبنى مش بتعطف عليا.. وكنت بدعيلك تشكل الحكومة اللي جاية..لكن بعد شحتفتي على ري القيراطين اللي حيلتي بقول بكل شلاضيمي إياك ما تشكل اللي جاية..وإياك تقول سمعمع بيدعي عليا..
آه والنبى ياخويا وأخيرا شكرا لمعاليك.. ويلا بقى علشان شلاضيمى بتوجعنى.. سلامو عليكوووووووووووو
يعنى أوافق على مشروع القانون اللي هيعطشنا ويعطش أراضينا وأنا ساكت ولا كلمة ولا نفس.. ولا حس ولا خبر.. هس هس علشان ماحدش ياخد باله.. تعالي لى ياماماااااااااا.. الحكومة عايزانى أبوس على إيد معاليها وأشكرها على نعمة المية.. آه والنبى زمبقولكم كده يا حبايبي وأهلي وناسي..
إنها هزلت وذبُلت وتنيلت بستين ألف نيلة.. ده أنا أول مرة أحس إن الحكومة والوزير وهيئة الري بيشحتونا ويصدقوا علينا.. الحقنى والنبى يا ريس أنت نصير الغلابة والفلاحين ووصي علينا والنبي ابن الغوالي القاطن بديوان عام الوزارة.. نفسى اسمع رأي معالي رئيس الوزراء مصطفى مدبولى في هذا الكلام غير المباح.. الذي لا يرضى سيناوي ولا سواحلي ولا صعيدى ولا فلاح.. ولا حتى القانون ولا الدستور ولا الأعراف..
الحكومة عاوزة إيه يا سمعمع عاوزة تطبق غرامة مالية وفقا للمادة 38 من قانون الموارد المائية والري الجديد بتقول كام يا سمعة 5 آلاف جنيه بتوع إيه..رسم ترخيص لاستخدام آلة رفع مياه. مش كده وبس ده كمان حضرت لجنة الزراعة والري بمجلس النواب، صباح الجمعة يعني ولا إجازة تهم ولا فلاحين وأرض مهم واخد بالك يا سمعمع علشان تشغل الموتور اللي أنا باني له كام قالب طوب على الترعة، وبروي بيه الكام قيراط اللي عندك تدفع 5 آلاف جنيه.. أمال العمدة اللي معاه خمسين فدان يدفع كاااام يا نفوخي يا ني ياما يعني العمدة يدفع 5 آلاف وأنا الغلبان ادفع زيه..فين ميزان العدل يا حكومة..
يعنى معالي وزير الري ومجلس "الشعب" قصدي النواب عاوزيني اشحت مية اروي بيها الأرض ولا اعمل ايه بالظبط..طيب أنا هجمع عشر فلاحين من حدانا وكل واحد فينا يدفع خمسميت جنيه ونرخص موتور واحد ونسقي بيه الأرض كلنا وسلم لي على الحكومة.
ماكانش العشم يا دكتور مدبولي.. ده أنا كنت بحبك وياما قلت في حقك كلام كويس.. طب وحياة شلاضيم بُقى التي لا أحلف بها كذبا بتاتا البتة أنا كنت بحبك وكنت فاكرك بتحبنى مش بتعطف عليا.. وكنت بدعيلك تشكل الحكومة اللي جاية..لكن بعد شحتفتي على ري القيراطين اللي حيلتي بقول بكل شلاضيمي إياك ما تشكل اللي جاية..وإياك تقول سمعمع بيدعي عليا..
آه والنبى ياخويا وأخيرا شكرا لمعاليك.. ويلا بقى علشان شلاضيمى بتوجعنى.. سلامو عليكوووووووووووو
