محمد عاطف عبد المنعم يكتب "قصيدة وطن"
لما الشهيد بينا اندفن
والحلم لفوه في الكفن
أفكارنا بايتة محمضة
والثورة ليه صبحت عفن؟
لما الفساد ساد وزاد
والجهل عم بين العباد
والكل بقى قاضى وجلاد
الغربة صبحت حضن ووطن
طلقوا الأسود وسط الكلاب
صبح القرود تحكم ذئاب
السوس بياكل ولا الجاموس
والنمل مش لاقى الفتات
فراش وطاير بقى محبوس
صراصير وثورة فـ بلاعات
الحية بخت سمها
ملقتش حد يلمها
ولما عجبهم مرها
شربوا ومصوا فـ دمها
ولما وسعت الذمم
قرف الدود من الرمم
ولما عجبهم شكلها
شلوها فوق على القمم
