تفاصيل زيارة مرسي في شم الفسيخ!

ضحك الحراس حتى سقطوا من طولهم على هذيان مرسي..أمسك أحدهم بيده وقال: سد يا حبيبي سد..الزيارة جاية كمان شوية..وهتاكل كل اللي نفسك فيه..
وشوية وجاءت أسرته لزيارته في السجن..وقعد يلغ بأيديه وسنانه..وعياله قاعدين يتفرجوا عليه وهوه بيهطل..قوم إيه صعب عليهم..وادوله مناديل عشان منظره بقي وحش..وقالوا:آدي اللي خدناه من الانقلاب..يعني لو كان بياكل في بيته دلوقت ماكناش اتفضحنا قدام الناس..دا فضيحتنا بقت بجلاجل...
وأعطى له ابنه البيض الملون..إيشي أحمر وإيشي أخضر وأصفر كمان وبيضة لونها كاكي..لكن مرسي قال لهم إبعدوا البيضة الكاكي دي عني..أكيد البيضة دي بتاعة جيش الانقلاب.. ثم التهم مرسي جميع البيض الأصفر وقال لولاده: ده بيض الشرعية..وكمان بلون إشارة رابعة..يا سلام عليه..وكل حزمتين بصل أخضر استخسار..واتنين كيلو فسيخ وتلاتة كيلو رنجة وكيلو ملوحة وتلاثة كيلو أم الخلول وشرب لترين حاجة ساقعة..وقال لولاده: أنا نفسي مسدودة عشان في السجن..
عياله قاموا وهربوا خوفًا من أن ياكلهم هما كمان..