المعلم هريدي: مصر مش تكية أبوكم يا ولاد الفرطوس!

كان المعلم هريدي يدخن شيشته في هدوء بوكالته.. وإذ فجأةً وقعت عيناه على خبر في الجريدة يقول إن أنصار المتعوس وخايب الرجا ينظمون مظاهرات في أسبوع "مصر ليست تكية".. فاستشاط غضبا ومزق الجريدة وقال: مصر مش تكية أبوهم ولاد الفرطوس.. عاملين فيها رجالة على إيه.. دول أجبن خلق الله.. بناتهم يعملوا مظاهرات ويقطعوا الطرق وبيشاوروا للعساكر بأصابعهم بإشارات خارجة.. بنات قلالات الأدب والرباية.. ولما العساكر يحدفوهم بقنابل الغاز رجالتهم قبل نسوانهم بيجروا ويستخبوا ف مداخل العمارات ويبوسوا أيدين السكان عشان ما يقبضوش عليهم ويسلموهم للعساكر والظباط.

ومصر مش تكية أبوهم.. هما فاكرين نفسهم أولاد مصر.. البلد دي طاهرة وبترفض الناس دي.. حكموا البلد سنة والناس طردوهم وكسروا وراهم ألف زير ومليون قلة.. وجايين يقولوا دلوك مصر مش تكية.. هي فعلا مصر بلدنا مش بلدهم.. ومش هاتكون تكية لحد واصل.. البلد دي للي يحبها ويحافظ على أمنها وشعبها وجيشها وشرطتها وقضائها.. صحيح.. العيب إن طلع من أهل العيب ما يبقاش عيب.