هدايا الإخوان في شم النسيم.. فسيخ ببطارخ الديناميت وبيض بالمتفجرات!
طبعا جماعة الإخوان ناس حلوين وهاديين وزي العسل..عشان كده أعلنت الجماعة عن تقديمها هدايا شم النسيم لعموم المصريين..إيشي فسيخ ببطارخ الديناميت بيض مليان بالمتفجرات ومتوافر أيضًا سردين بالمولوتوف وأم الخلول ميكس بالخرطوش وده كله مجانا خلي شعب الانقلاب يعيش.
مسئول بالجماعة أكد لمصدر فشار غاوي تنكيت وهزار أن المتفجرات تناسب جميع الأذواق والأعمار.. قنابل مولوتوف وأصابع ديناميت وقنابل بدائية الصنع.. ده غير هدايا كتير للمحتفلين بشم النسيم.. والجائزة الكبرى مدفع رشاش للإخواني الأكثر تفجيرا.
ولعشاق الرحلات النيلية بالأتوبيس النهري تقدم الجماعة اللي زي السكر صوابع ديناميت صغنتوتة لصيد الأسماك من النيل عشان الرحلة تجيب تمنها..وبلالين تنفجر بمجرد نفخها في العشاق فور جلوسهم وعناقهم في عرض النيل.. فضلا عن تجهيز راقصة لولبية للترفيه عن ركاب الأتوبيس النهري تلف حول وسطها أجمل حزام ناسف ملون بألوان الزهور.
وتبث قناة الجزيرة مباشر مصر أغنية عيد الربيع:كلموني تاني عنك..فجروني!
