حسن شاهين: "الغلابة هينتخبوا صباحي بعد دعوة مبارك لانتخاب السيسي"

قال حسن شاهين عضو الحملة الرسمية لدعم حمدين صباحي، إن الشعب المصري الغلبان سيفهم معنى دعوة الرئيس الأسبق حسني مبارك لانتخاب المشير السيسي.

أضاف شاهين في تدوينة على صفحته بموقع "فيس بوك"، اليوم الخميس:"واقف الصبح بفطر من على عربية الفول لقيت الراجل صاحب العربية بيقولى يا أستاذ حسن أنا خلاص مش هأيد السيسي تانى، ولا هنتخبه ضحكت وقولتلوه ليه يا أحمد عشان أنا عارف أنه كان بيقول هينتخب السيسي".

وأضاف:"رد على وقالى أنا إمبارح كنت بتفرج على التليفزيون ولما ألاقى مبارك الحرامى اللى سرقنى ونهب قوت عيالى 30 سنة بيأيد واحد، أكيد مش هنتخبه قولتلوه هتعمل إيه يا أحمد قالى أنا خلاص هروح أعمل التوكيل لحمدين صباحى وأنا مع حمدين وهنتخبه لأنه بتاع الغلابة".

وتابع:"هو ده بقى الشعب المصرى الغلبان البسيط اللى هيفهم يعنى إيه مبارك الحرامى بيدعو لانتخاب السيسي لأنه حس بالفقر والظلم، ولما عمل الثورة وخرج في 25 يناير وخرج في 30 يونيو كان كل هدفه أنه يلاقى عيشة كريمة ولقمة حلال".