"أنا الشهيد"
![صوره ارشيفيه](images/no.jpg)
أنا يوم موتى كان زفة وعيد
كنت بحرس حدودك وواقف وحيد
ومكنتش بخاف وكنت بجد عسكري شديد
حتى اسئلوا عنى عم الصول فريد
وكتبت لأمى وبعتلها في البريد
وقلتلها خلفتى راجل وكافأنى العميد
وقالى هديلك أجازة وهتنزل لأهلك الصعيد
وفى جوابى قلت لأختى اغسلى جلبابى الجديد
وفى آخر يوم قبل الأجازة صابتنى رصاصة من بعيد
ضربها عليا مصرى وقالى هتشوف منى العديد
وضحك وقال كلام كتير تهديد ووعيد
ورجعت بردو الصعيد وأنا بجد سعيد
أصلى نلت الشرف وبقيت أنا الشهيد