بالفيديو.. «أديب» بعد حديث «السيسي» عن الديون: «جيتلي في الحتة اللي بحبها»
أعرب الإعلامي عمرو أديب، عن تفاؤله بعد خطاب المشير عبد الفتاح السيسي، وزير الدفاع والإنتاج الحربي، الثلاثاء، وأعلن فيه عزمه على خوض الانتخابات الرئاسية المقبلة.
وقال «أديب»، خلال برنامجه «القاهرة اليوم»، على فضائية «اليوم»، مساء الثلاثاء: «أنا النهاردة متفائل وعايز الناس تبص على البورصة بعد ما السيسي رشح نفسه للرئاسة.. من النهاردة السيسي هو رئيس الجمهورية».
وأضاف: «السيسي لأول مرة قالها صراحة إنه هيترشح، وأنا مستغرب من ناس لسه بتقول بس هو مقالش بصراحة، أنا معرفش إزاي بس خلاص السيسي هيخوض الانتخابات».
وتابع: «السيسي قال كلام مهم غير إنه هيترشح، اتكلم عن الاقتصاد وعن الإخوان، ولأول مرة نقدر نفهم دماغ السيسي فيها ايه.. لما اتكلم عن الاقتصاد داس على نقطة الضعف بتاعتي، قال المليار والـ700 مليون اللى هو الدين الداخلي والخارجي، وأول ما ذكر الرقم ده قولت خلاص انت ياعم عبد الفتاح جيتلي في الحتة اللي أنا بحبها».
