"الفراخ المشوية "على طريقة الشيف أيمن العطار

يقدم الشيف أيمن العطار طريقة تحضير الفراخ المشوية بخطوات سهلة وبسيطة
"المكونات"
فرخة متوسطة الحجم وزن كيلو وربع إلى 2 كيلو
2 بصلة كبيرة مقطعة مكعبات
2 فلفل رومى أخضر مقطع مكعبات
1 حبة طماطم كبيرة مقطعة مكعبات
2 حبة جوز الطيب مبشورة
5 حبيات حبهان أو معلقة حبهان بودرة
1 معلقه بابريكا كبيرة
1 معلقة كركم
2 فص ثوم كبير
1 معلقة كبيرة زر ورد
1 معلقة كبيرة زعتر
1 معلقة روزمارى
نصف كوب خل أبيض
1 معلقه كمون
1 معلقه قرنفل
1 معلقه كزبرة ناشفة
2 عود كرفس
1 معلقه بردقوش
5 ورقة لورة
نصف كوب زيت زرة
ملح وفلفل أسود
2 معلقه كبيرة معجون طماطم
1 معلقة كبيرة مسطردة
نصف فنجان كاتشب
الطريقة
بعد غسل الفرخة كويس أوى، قطعيها على 8 قطع بالعظم وشرحيها بسكين حاد من الأوراك والصدور عشان تشرب التتبيلة دى كويس بعد كده حطى كل المكونات اللى قلت عليها دى فى الخلاط وبضربها كويس أوى لحد ماتنعم معايا جدًا وهتضرب سهل معاك فى الخلاط عشان الزيت والخل اللى فيها وبعدين هضفيها على الفراخ وهسيب الفراخ فيها حوالى 4 ساعات قبل الشوى ثم تشوى الفراخ على الفحم أو جريلة الكهرباء أو فى الفرن