نشطاء "تويتر" يسخرون من "حشيش ابن مرسي" على طريقتهم: "ابنك حشاش يا حج.. وكله بما لا يخالف شرع الله.. أنا كنت متأكد إن الهطل ده وراه حاجة.. آه يابن الاستبن.. اشرب يا حبيبي عشان تنسى.. حشيش الشرعية"
حالة من السخرية انتابت نشطاء "تويتر" بعد القبض على "عبد الله"، نجل الرئيس المعزول محمد مرسي، وبحوزته "سيجارتين من الحشيش". النشطاء سخروا من ذلك، وأطلق عليه البعض اسم "حشيش الشرعية"، فيما قال آخرون "إنه حشيش عشبي وليس مخدر الحشيش"، وجاءت بعض تعليقات النشطاء كالتالي:
هاني يوسف: "الواد الموكوس ابن مرسي طلع صاحب مزاج عالي أوووي مسكوه بسيجارتين حشيش.. اشرب يا حبيبي علشان تنسى.. دا انتا أيامك سوده أنتا وأبوك".
عمر المهدي: "ابن مرسي الذي ضبط ومعه الحشيش ينفي أنه نبات الحشيش المخدر ولكنه حشيش عشبي لزوم الزرايب والبهائم".
عمر جونجر: "ابن مرسي مش هايجيب أي حشيش ده أكيد حشيش أفغاني".
"نيفين": "ابن مرسي الذي تم ضبط الحشيش معه ينفي أنه نبات الحشيش المخدر ولكنه حشيش عشبي تتناوله الخرفان في الزرايب وده مجرد تشابه أسماء".
عبد الرحمن نصر: "ابن مرسي اتمسك بسيجارتين حشيش؟ ويقولك إخوان مسلمين والشريعة والفضيلة والأخلاق".
محمد شديد: "بيقلك مسكوا محمد ابن مرسي بسيجارتين حشيش.. لو طلع صح كده يا أسطى تشرب من غيري.. لو طلع غلط شوف يوم فاضي نشرب سوى".
"باتستايا": "ابن مرسي اتقفش بسيجارتين حشيش اسمهم ماريجوانا.. يا حشاشين ضد الانقلاب.. القبض على ابن مرسي وبحوزته سيجارتين حشيش جنب أبوك في الحوض الأكواريوم يساع من العياطين ألف".
أحمد رحيم: "بطاقة ابن مرسي وسيجارتين حشيش الشرعية.. ابن مرسي اتمسك في العبور بيشرب حشيش بيحشش وكله بما لا يخالف شرع الله! ناس بتوع ربنا قوي الحقيقة".
رانيا مصر: "حركة كايدينهم ابن مرسي بيشرب حشيش هار ازرق هو ناقص؟؟".
مروة خطاب: "ابن مرسي غناها للكمين: متحسبونيش إيه يعنى لما أشرب حشيش أنا منحرفتش من فراغ ولا كنت عايز أعمل دماغ أنا بس بشرب يمكن أنسى همي عشان أعيش".
"ملتوف": "مش مهم ابن مرسي اتمسك بحشيش أو اتلفقتله دلوقتي، الأهم بقى هو عرف يجيب حشيش منين في الأيام السودا دي؟".
"ميما بكي": "اللهم لا شماتة يابن مرسي".
محمد إسماعيل: "أتاري بديع كان بيحب النباتات.. ابن مرسي معاه عچيچ".
أحمد محمد: "هههههههههه الواد ابن مرسي اتمسك بحشيش.. أنا كنت متأكد إن الهطل بتاعه ده وراه حاجة".
أحمد رأفت: "الداخلية لو هتلفق لابن مرسي قضية هتلفق سلاح مثلا مش سيجارتين حشيش!".
عمرو حافظ: "قبضوا على ابن مرسي ومعاه سيجارتين حشيش ابنك شمام يا حج".
أحمد المقدامي: "القبض على ابن مرسي وبحوزته سيجارتين حشيش بالقرب من مدينة العبور.. آه يابن الاستبن".
مهندس بسيوني: "اللي أعرفه أن الضابط اللي بيمسك سيجارتين حشيش مع شباب بيشدهم شوية ويعديهم! بس ده الغالي ابن الغالي".
"سمسومة": "القبض على عبد الله ابن مرسي في مدينة العبور وبحوزته سيجارتين حشيش ومساء الخييــــــــــــــــــــــــــــــــــــــــــــــر على الشرعية".
طارق موسى: "القبض على عبدالله ابن مرسي وبحوزته سيجارتين حشيش.. آه على الكيف لما يزل".
