«ادفع الفواتير كلها فكة».. أولى خطوات «ثورة الإنترنت» التصعيدية

بدأت حملة "ثورة الإنترنت"، اليوم الأربعاء، أولى خطواتها التصعيدية، نظرًا لعدم رد أي جهة مسئولة عن الإنترنت في مصر على مطالبهم.

وأصدرت الحملة بيانًا على صفحتها بموقع "فيس بوك"، أعلنت فيه عن الخطوات التصعيدية التي طالبت أعضاءها بالالتزام به، والذي جاءت بنوده كالتالي: هندفع الفواتير كلها فكة "يوم دفع فاتورتك خد حد من أصحابك معاك أو أكتر علشان ما بتقاش لوحدك وخد قيمة فاتورتك جنيهات فكة.. يا سلام لو انصاص واربع- وروح ادفعلهم فاتورتك".

وأضافت:"حد من أصحابك بيصور ابعتلنا الفيديو وهنوثقه ع الصفحة الرسمية، وماتمشيش قبل ما ياخدو منك الفكة، ولو رفضوا قولهم دي فلوس الحكومة، ولو رفض أكتر اتصل بالشرطة..وده نص القانون (قررت وزارة المالية تغريم من يمتنع عن التعامل بالعملة المعدنية 100 جنيه من فئة الجنيه والنصف جنيه)".

وتابعت الحملة:" يعني متقلقش أنت مبتعملش أي حاجة غير قانونية وخليك واثق من نفسك"، مضيفة: "لو مشترك في عرض الطلقة أو سبيد غير الاشتراك لأي عرض تاني".

واختتمت:"لو عددكم في العمارة 5 روحوا الفرع اعملوا إيقاف لـ 4 اشتراكات لمدة أسبوع، وخدوا وصلة من بعض- متجيبش سرعة غالية.. استحملوا بعض لمدة أسبوع هنخسرهم كتير".