ثورة غضب تجتاح النشطاء من كاميرات "سوبر أفريقيا".. محمد: قناة قطرية ومذيع جزائري ومخرج شكله إخوان.. ياسر: بيفكرني بماتشات دوري المظاليم.. إسلام: تقريبا الماتش 3D وإحنا مش لابسين النضارات

"التصوير بكاميرا واحدة.. تصوير بتقنية 3D والناس نسيت تلبس النضارة" هذه كانت بعض التعليقات الساخرة لنشطاء تويتر في تحليلهم لأسوء ما في مبارة السوبر الأفريقي بين النادي الأهلي والصفاقسي التونسي والتي انتهت بفوز الأهلي 2/3، فقد انصبت التعليقات بشكل أساسي على رداءة الكاميرا التي تم تصوير المباراة بها، وقد أبدى النشطاء غضبهم من الكاميرا التي تصور بها المباراة قائلين: "يا شماتة الجزيرة فينا".

مهندسة مني: "نداء م المعلقين ع التايم لاين لإكرامى.. اقفل الزاوية يا إكرامى #سوبر أفريقيا.. يعنى لا عاجبكو الإخراج ولا التصوير ولا اللعيبة ولا المعلق ولا المدرب طب بتتفرجو ليه؟ أهو غلاسه كدا".
محمد حسني: "قناة قطرية ومذيع جزائري ومخرج شكله إخوان #سوبر أفريقيا".

أحمد على: "المذيع بيقول كاميرا واحدة أحسن من مفيش! شايفين يا مصريين جبتولنا الكلام من اللى يسوى واللى مايسواش #سوبر أفريقيا".
أحمد الثالث عشر: "إخراج معفن في الدوري المصري وعديناها أما في السوبر الأفريقي!! علامة استفهام كبيرة على الموضوع ده #سوبر أفريقيا".

مصطفى محمود: "#سوبر أفريقيا الواحد بيطمن لما وائل جمعة بيبقى في الملعب".

ياسر هياموني: "التصوير من كاميرا واحدة بيفكرني يماتشات دوري المظاليم.. إيه الفضايح دي #سوبر أفريقيا".

عمرو: "#سوبر أفريقيا #الأهلي السوبر #الأهلي # والنبى دا منظر كاميرا ومنظر صورة ؟؟ دا لو ماتش في الدرجة الرابعة هنشوفه أحسن من كدا".
بيتر بشارة: "لما تركز على وش سيد معوض وهو بيجرى يحسسك أنه بيجرى على واحد بالمطوة علشان يضربه مش بيجرى بالكرة #سوبر أفريقيا".

نور أحمد: "حفيظ الراجي هيجيله sugar آخر الماتش: هاتولوه الحباية من ع الجبل ! #سوبر أفريقيا".

بيتر ناجي: "حاسس إنى بتفرج على ماتش في أدغال أفريقيا بالكاميرات دية #سوبر أفريقيا".

إسلام محمود: "تقريبا الماتش 3D وإحنا اللي مش لابسين النضارات #سوبر أفريقيا".

شريف عز الدين عبد السيد: "عيب أوى الصورة بالرداءة دى في ماتش مهم زى ده #سوبر أفريقيا".

أحمد أباصيري: "متقلقوش.. الصورة هترجع زي الزفت تاني كمان شوية.. الموبايل فصل شحن بس #سوبر أفريقيا".

جو كامل: "#سوبر أفريقيا تكنولوجيا رائعة بصراحة الظاهر كدة أن الناس نسيت التصوير والكاميرات علشان مبقاش فيه كورة ف مصر".
حلمي: "#سوبر أفريقيا التصوير وحش، التعليق وحش، الاستوديو التحليلي وحش، والأهلي وحش، الصفاقسي وحش، مفيش حاجة حلوة غير الجماهير".

Omar-ization: "لو النور قطع يا سيسي في الشوط التاني.. هنفجر مصر #سوبر أفريقيا".

محمود حسن: "مانويل جوزيه عامل فيها فيرجسون #سوبر أفريقيا" ولو رجع يدرب تانى حيكون عامل فيها كمال الجنزورى الأهلي"
مي مصطفى: "يا جماعة الماتش بتقنية 3D بس إحنا نسينا نلبس النضارة #سوبر أفريقيا".