بالفيديو.. الأردني المتهم بالتجسس: «هاخد حقي منكم في الدنيا أو الآخرة»
عرض الإعلامي وائل الإبراشي، خلال برنامج «العاشرة مساء»، فيديو لمهندس الاتصالات الأدرني الجنسية، بشار أبو زيد، المتهم المحبوس على ذمة قضية التجسس لصالح إسرائيل، وهو يصرخ داخل القفص ويؤكد أنه «بريء».
وقال «أبو زيد»: «طب لو تجسس ماشيلتوش الأبراج ليه.. ليه إسرائيل بتبعت إشارة المحمول الإسرائيلي على الأراضي المصرية.. علشان إحنا برضو بنتتجسس صح؟».
وأضاف: «إحنا نتجسس وهم يتجسسوا يللا نتجسس على بعض.. كلكم هتقفوا قدام ربنا وهتتحاسبوا على كل كلمة قولتوها عني ومش هسامحكم.. وساعتها هنشوف أي قانون هيمشي هناك»، وتابع: «كرسي مين اللي هيكون معاه، وهتقوله آه استنى يا ربنا إحنا اللي هنحاسب مش إنت.. أنا لا إخوانجي ولا سياسي ولا أي حاجة، أنا عبد من عباد ربنا المستضعفين، وبإذن الله هاخد حقي لو مكنش في الدنيا يبقى في الأخرة، وكمان هاخد حق أهلي وعيالي اللي ادمروا بسببكم».
واستأنفت محكمة جنايات أمن الدولة العليا طوارئ، المنعقدة بالتجمع الخامس، برئاسة المستشار عدلي فاضل، الأربعاء، نظر قضية محاكمة المتهم بشار أبوزيد، مهندس اتصالات أردني الجنسية «محبوس»، وضابط بجهاز المخابرات الإسرائيلي يدعى «أوفير هيرارى» (هارب)، في قضية التخابر لصالح دولة أجنبية «إسرائيل» بهدف الإضرار بالمصالح القومية للبلاد، بعد تأجيل الجلسة السابقة للاطلاع.
