بالفيديو.. "الصندوق الأسود" يذيع مكالمة بين "أبو إسماعيل" و"العريان"
![فيتو](images/no.jpg)
واصل الإعلامي عبد الرحيم علي، إذاعة التسجيلات السرية، خلال تقديمه برنامج "الصندوق الأسود"، على قناة "القاهرة والناس"، حيث أذاع، اليوم الأحد، مكالمة تليفونية بين عصام العريان، القيادي بجماعة الإخوان الإرهابية، والشيخ حازم صلاح أبو إسماعيل، مؤسس حزب الراية، تكشف العلاقة بين الأخير والجماعة الإرهابية، وسعيهما لإثارة الفوضى بالشارع المصرى.
وجاء نص المكالمة:
أبوإسماعيل: السلام عليكم
العريان: وعليكم السلام ورحمة الله وبركاته
أبو إسماعيل: أعتذر على إزعاج سيادتكم.. أنا حازم صلاح أبو إسماعيل
العريان: لا يا أفندم إنت تنور، أيوه طبعًا يا أخي الكريم معروف
أبو إسماعيل: الله يبارك فيك.. أنا عارف إني بزعجك ربنا يحفظك يا رب العالمين إن شاء الله تكون بخير والأسرة الكريمة والجميع
العريان: الحمد لله رب العالمين
أبو إسماعيل: بص أنا حبيت بس أقول لحضرتك شوف حضرتك كل اللي أنا سبته مكتوب في ورقة يعني شوف إنه بِيجد حثيثا يا أستاذ عصام شايف حضرتك ميدان التحرير 3-4 ساعات بيضربوا في بعض وهناك "الكوربة" الأسبوع اللي فات وادي التحرير وميدان جامع مصطفى محمود وموضوع أحمد شفيق وموضوع النصارى، وبدأت نقطة بَعْتَرِة الناس يعني الوضع مش هيفضل أيام ولا أسابيع بالصورة المحتشدة أو إن الناس تمزق على قدم وساق أنا أخشى.......
العريان: مش مختلفين على كده إطلاقًا إن فيه ثورة مضادة وفي ناس هتقعد تعمل كده وهتعمل كل هذا، لا نختلف في ذلك معاك القصة إن إنت بتتكلم في اتجاه تاني خالص ماهوه ده شغل الحزب الوطني وشغل البابا، وللأسف شغل إخواتنا السلفيين اللي هما بيساعدوا على هذا وشغل أمن الدولة فلازم نواجهه.
أبو إسماعيل: حتى الحزب الوطني اللي كانت أعصابه سابت وتلاشى لا يمكن يجييبوا محمد رجب يقول هنعمل انتخابات رئاسة جديدة ويقعد مع المجلس العسكري إلا لو كان واخد مؤشر من السلطة بسند من البعترة إلى إعادة اللملمة للحزب مرة أخرى.
العريان: أيوه يا دكتور لا يوجد أدنى شك فيما تقوله القصة كلها كيف نواجه ذلك لا أكثر ولا أقل إحنا عارفين إن فيه ناس معترضة وفيه ثورة مضادة وهيعملوا أكتر من كده ويبذلوا ما في وسعهم من أجل إنجاح مخططهم وإفشال الإنجازات اللي حصلت.
أبو إسماعيل: أنا بقول لحضرتك لكسب الوقت لأن الوقت متراخي.
العريان: إن شاء الله ربنا هيكرمنا وعايزك تثق في الله عز وجل ونحن نجتهد والتوفيق من عند ربنا، وأنت موجود مع الناس والدكتور صفوت حجازي في القرية اللي فيها الكنيسة اللي حصل فيها المشكلة
أبو إسماعيل: إحنا موجودين في الشارع بس أنا بكلِّم حضرتك علشان الوقت مش في صالحنا لأن هوه بيقولك سيبهم أسبوعين طيب واستنى لحد ما البلد تخرب ربنا يستر على كل حال مدام الحمد لله أنا أوضحت أنا والله أقسم لك برب العزة لولا خوف الإثم مكنتش أزعج أحد بس آهو على كل حال.
العريان: ربنا يبارك فيك يا افندم
أبو إسماعيل: السلام عليكم ورحمة الله وبركاته
العريان: وعليكم السلام ورحمة الله وبركاته
أبو إسماعيل: السلام عليكم ورحمة الله وبركاته
العريان: وعليكم السلام ورحمة الله وبركاته