"مش هننساك يا تريكة" رسالة وداع كتبها عشاق الساحر بدموعهم على تويتر.. أحمد: أبويا بيعيط.. هديل: وداعا يا أمير القلوب.. مختار: أحبك في الله.. سيف الدين مش قطز: اعتزالك ده أكتر حاجة زعلتني في حياتي
مش هننساك يا تريكة.. شكرًا تريكة.. هكذا عبر نشطاء تويتر عن حبهم وامتنانهم للاعب محمد أبو تريكة، مؤكدين أن الساحر هو من منحهم متعة مشاهدة المباريات، وباعتزاله ستخسر الكرة العالمية وليست المصرية فقط، وكانت تغريدات النشطاء بمثابة برقيات للاعب الأكثر شعبية على مستوى العالم.
أحمد عادل: "أبويا فاتح youtube وعامل سيرش باسم أبو تريكة وبيتفرج وهيعيط".
عويد السبيعي: "يعشقونه كل أهل مصر بل والعرب على اختلاف دياناتهم وعقائدهم وانتماءاتهم وأطيافهم! أنّى لك كل هذا الحب يا محمد!".
محمد فؤاد عاشور: "# مش هننساك يا تريكة.. كرة القدم ستفقد أحد النجوم الذين كانوا يداعبونها".
عمار الطناني: "اعتزال محمد أبو تريكة خسارة لكرة القدم العالمية".
totyferote: "شكرا تريكة على كل كورة، على كل جول، على كل ماتش، على كل بطولة.. # مش هننساك يا تريكة عشان منسيتش حد".
عمرام عسر: "وعشقي ليك يا "تريكة"... الموت هيوقفه مش هننساك يا تريكة.. اعتزل النادي الأهلي.. !!".
إسلام أشرف: "سلام يا أحسن لاعب".
مختار مؤمن: "ربنا يكرمك في حياتك اللي جايه ويقوفقك ويسعدك ويقر عينك برقية ومودة.. إنت كتير قوي فرحتنا.. أحبك في الله # شكرا تريكة.. ربنا يكرمك في حياتك اللي جيه ويسعدك زي مأسعدتنا وطبعا مش هننساك من غير أمير القلوب والله الكورة مهيبقى ليه طعم من غيرك".
هديل وائل: "على كل كورة على كل جول على كل ماتش على كل بطولة # شكرا تريكة، وداعا يا أمير القلوب يا صانع السعادة # مش هننساك يا تريكة".
سيف الدين مش قطز: "عمرنا ما هننساك يا تريكة ♥ ♥ اعتزالك ده يا تريكة أكتر حاجة زعلتني في حياتي".
إسلام محمد: "إذا كان الاعتزال قرارك فالحب ليس باختيارك.. 22 أسطورة لن تتكرر".
فادي عطية: "الثورة دي كبرت دماغ البشر يجي عشر سنين قدام والله..".
أحمد ياسر: "مفيش كورة من بعدك يا تريكة".
عمر شريف: "شكرا يا من أمتعتنا.. ستفتقدك كرة القدم قبل أن يفتقدك مشجعوها".
مصطفى سكري: "فبكى صانع الابتسامة في حضن شيكابالا.. بكى على حلمه الذي ذهب بلا رجعة.. حلم المونديال".
نها نور: "# شكرا تريكة فرحتنا كتير".
