"الأهلي العالمي" هاشتاج ساخر من خسارة الشياطين الحمر..أحمد: "الصينيين علموا علينا في القارة بتاعتنا"..kopliverpool: المفروض الأهلي يروح يشتري "كونتينر" لاعبين من الصين.. هشام: آخرة الكلام عن "البايرن"

بمجرد أن أطلق حكم مباراة الأهلي وجوانزو الصيني صافرة نهاية اللقاء وخسارة الفريق المصري بهدفين بلا رد في المباراة الأولى له في كأس العالم للأندية، انطلق نشطاء موقع تويتر في تدشين هاشتاج #الأهلي_العالمي.

وحظى الهاشتاج بتعليقات جمعت بين الجدية في مناقشة أسباب هزيمة المارد الأحمر، والسخرية من الهزيمة وأجمع النشطاء على أن هزيمة الأهلي ناتجة من تغيير اللاعب محمد أبو تريكة.

وبين دعوة النشطاء للأهلي لشراء "كونتينر" لاعبين صينيين، ووصف الهدفين اللذين هزا مرمى الأحمر بأن سعرهما رخيص، تعددت التعليقات وجاء أبرزها على النحو التالي:

عمر ناصف " لازم نغير فكر عجين الفلاحة دا #الأهلي العالمى.. مهاجم اسمه كلسون يجيب فينا جول". 

شريف علاء " الأهلي من غير تريكة برشلونة من غير ميسي #الأهلي العالمى". 

أحمد عز الدين "عمال يقولك زوانج زو وزيانج زي.. المذيع بيقول أي أسامي وبيطخ أي كلام، المهم محدش ينخرب ورانا #الأهلي العالمى.. كلمة السر اللي كانت بتخلي كل اللاعيبة روبرتو كارلوس في وينينج اليفن.. اكيد كنت هاخليهم كلهم فتحي". 

محمد رشوان " #الأهلي العالمى لعيبة الأهلي كلت إيه بين الشوطين، بلاش نتقل يا جماعة عشان ميحصلش كده". 

هشام محمد "آدي أخره الكلام على ماتش البايرن كنت حاسس #الأهلي العالمى". 

محمد باهي "#الأهلي العالمى يعنى لو هتطلع تريكة يبقى كانك بتخسر متعب كمان معاه مهو محدش هيديله كور بينية.. تغيير خسرنا اتنين... الله عليك يا محمد يا يوسف". 

توني مجدي "#الأهلي العالمى في حد فهمهم إنك لما بتسجل جون في لعيبة مصريين تقدر تسجل 5 بعديه عادي". 

عمر الشربيني " نص الملعب كده في الباي باي #الأهلي العالمى". 

أحمد طارق "الصينيين علموا علينا في القاره بتاعتنا #عملوها الصينيين #الأهلي العالمى". 

حسام الدكروري "السيد حمدي قالك ده كأس العالم للأندية ولازم يبقى شكلنا كويس.. قام راح فرد شعره تحت الكوبري #الأهلي العالمى". 

حُس أحمد: "يعنى أنا أصلا بتفرج على البطولة عشان آخر مرة نشوف أبو تريكة بيلعب يقوم يخرج !! #الأهلي العالمى.. وربنا يا عم الفرقة مش جامدة ودفاعها على قدها!!".

إبراهيم القاسمي "دفاع الأهلي بيقفش الفراخ #الأهلي العالمى". 

علا المندوة "#الأهلي العالمى طب نجيب جول حفظ ماء الوجه.. الناس واكلة وشي". 

محمود مكي "الواد الحارس بتاع الفريق الصينى ده اندر ايدج #الأهلي العالمى". 

علاء العتيق "اهوه اللاعيبة الكبار اللي مفروض هتعتزل هما اكتر ناس فارقه دلوقتي تريكه جمعه معوض #الأهلي العالمى".

kopliverpool "والمصحف لأنيمك من المغرب يا صين هههههههه والله وعملوها الرجالة ورفعوا راس جوانجو بلدنا ههههههههههه.. المفروض النادي الأهلي يروح الصين يجيب كونتانر لاعيبة وأهي فرصة المعرض في جوانجو برده". 

أبو المصابيح كاديلاك "محمد يوسف بعد تغييراته والجولين... بص على ليبي... وراح مصرخ: بيفكر بالصيني!!... بيفكر بالصيني!!! #الأهلي العالمى"

أحمد عبد الوهاب "#الأهلي العالمى طبعا أساحبى فرحان أن اخواته كسبوا انهارده".

Suleinho "بيقولك بقي حتى الصين عملت جونين مش شبه بعض وجابتهم في الأهلي والاتنين رخاص #الأهلي العالمى". 

مصطفى على " #الأهلي المونديالي #الأهلي العالمى في النصر معاه أو محنة فداه".