ساخرون.. تظاهر براحتك مع قرض البنك الأهلي للكفالة حتى 300 ألف جنيه
أثار قانون التظاهر الجديد سخرية شباب فيس بوك، وخاصة أن حكومة الببلاوي قد وصلت للحكم بعد تظاهرات أسقطت نظام الإخوان، الشباب وضعوا عددا من السيناريوهات لتوجه عدد من الثوار لاستخراج تصريح للتظاهر وردود فعل الداخلية، فماذا قالوا..
هالة الجمال: لو سمحت طلب تظاهر يوم السبت.. السبت يا سيدي السبت السبت صعب في يوم الخميس الساعة 1 بليل عند أول مطروح O_o.. !
كريم ممدوح: ﺣﺴﺐ ﻗﺎﻧﻮﻥ ﺍﻟﺘﻈﺎﻫﺮ ﻻﺯﻡ ﻧﺨﻄﺮ ﺍﻟﺤﻜﻮمة ﺑﺄﺳﻤﺎﺀ ﺍﻟﻤﺸﺘﺮﻛﻴﻦ ﻓﻰ ﺍﻟﻤﻈﺎﻫﺮة، ﻃﺐ ﻟﻮ ﻗﻮﻟﻨﺎ ﺍﺳﻢ ﻭﻣﺟﺎﺵ ﻫﻴﺘﻜﺘﺐ ﻏﻴﺎﺏ ﻭأﻻ هاﻳﺘﺤﺮﻡ ﻣﻦ ﺍﻟمظاﻫﺮة ﺍﻟﻠﻰ ﺑﻌﺪﻫﺎ.. !
محرم الفاسي: قانون التظاهر كان ناقصه مادة كده في الآخر:
- عايزين تعملوا مظاهرات ليه ياولاد التيت البلد زى الفل.!
- عايزين تعملوا مظاهرات ليه ياولاد التيت البلد زى الفل.!
نوسا: دلوقتي مع البنك الأهلي المصري بنقدملك قرض الكفالة الجديد لحد 300 ألف جنيه.. مع البنك الأهلي المصري.. اتظاهر براحتك
ياسر ممتاز: قانون التظاهر ما هو إلا غطاء سياسي لتسهيل فوز طلائع الجيش بالدوري العام !..دى مؤامرة على الأهلي.. (11 لاعب تجمعات بدون ترخيص)
محمد محمود إبراهيم: اه ويبقى اتحاد الشرطة الوصيف.
ماتريكس: قانون التظاهر الجديد بينمى في الإنسان الاعتماد على النفس.. أنت وأصحابك قبل ما تعملوا أي مظاهرة... روحوا بلغوا عن نفسكوا قبلها بـ 3 أيام.. بدل ما ييجى عيل ندل يبلغ عنكوا.
شريف النجار: لو سمحت يا باشا بس عايز طلب تظاهر يوم الجمعة. - الجمعة.. الجمعة.. لأ الجمعة كومبليت خـُد السبت من 2-4 العصر. - ماشى يا باشا زالفل.- المظاهرة عن ايه بقى ؟ - الداخلية بلطجية. - اطلع بره يابن التيت.!
دادا فرست: مش لازم تجيبها وش كدة مهد في الأول.. قوله احنا واخدين على خاطرنا منكم.. احنا مقموصين شوية.. اصلكوا زودتوها.. بصراحة من غير زعل... الداخلية بلطجية.. كدة يوافق.
إسلام محمد: لا ياخدوا الأسماء عشان يخشوا على المعتقلات على طول ونوفر جهد على الشرطة إنها تدور على بيانات.
صباح حمام: قانون التظاهر انا بقترح على الداخلية يحددوا لنا يونيفورم معين نلبسه واحنا بنتظاهر.. !
