"ميــن يصــاحبنى" خواطر لـ "هيثم مصطفى"
مين يصـاحبنى وأنــا غريــب فـى بـــلادى
مين يصـاحبنى وأكـون على قلبه غــالى
عديــت على البحر المــيت لقــيته هـــادى
عجبنى صمته لـكن موج البحر كــان عــالى
وصلـــت لشاطئ الأردن حــسب مــيعادى
لقــيت نـــاس في وداى ونـــاس في وادى
لمحـت صبية معدية اتمنيت تـكون من بـلادى
سرحت فيــها وحســيت إنــه يــوم ميــــلادى
ســـألتــها من ويـن إنــت ياللى على بـــالى
قــالت من أنت يا غريب... أتــركنى بــحالى
أنـــا ابن النيل يــا صبية وحالك من حـــالى
قالت من وين يا غريب وليش جــاى بــلادى
من آخر بــلاد الكون وأم الدنــيا تبقى بـلادى
بدور على صـــاحب وحـــبيب يـكون بيــا دارى
بـــكتب حــروف اسمك عل بحـــرك الدافـــى
تصيــر أحـلى قصيدة بالعند في كل حسادى
