خناقة "فيس بوكية" بين الإخوان والسلفيين بسبب دوللى شاهين.."إحنا شباب الإخوان": افتكروا ونيس والبلكيمى.. مينا:"هتقولى دوللى دوللى هقولك إلهام إلهام"

اهتم بعض نشطاء "فيس بوك" بالحرب الدائرة بين الإخوان والسلفيين على مواقع التواصل الاجتماعى "فيس بوك" و"تويتر"، بسبب تواجد الفنانة دوللى شاهين فى أحد احتفالات الحزب بالغردقة.

بدأت الحرب "الفيس بوكية" عندما تساءل ناشط إخوانى قائلًا: "كان فين أبو إسماعيل قبل الثورة ؟"، رد عليه أحد رواد "فيس بوك" من السلفيين: "بعد تنظيم حزب الحرية والعدالة لحفلة دوللى شاهين فى الغردقة، أنباء عن مظاهرة ضخمة للفنانين أمام مقر الحرية والعدالة بالقاهرة يقودها المخرج خالد يوسف، وإلهام شاهين، والهتافات تتعالى: "إسلامية إسلامية .. الشعب يريد تطبيق شرع الله".

أما حملة "إحنا شباب الإخوان..أعرفنا صح"، فكان ردها قاسيا وكتبت قائلةً: "كلام لازم يتقال !! بيقول بس لإخواننا السلفيين والحازمون اللى بيزيطوا فى موضوع "دوللى" انتو عارفين كويس إننا مكناش نعرف أن الحفلة فيها الكلام ده والمسخرة دى".

وتابعوا: "لما النائب المحترم بتاعكم البلكيمى، والنائب المحترم ونيس، وموضوع التحرش الجنسى والمناخير، كنا ممكن نقول نائب سلفى بيتحرش بواحدة ونعمل زى ما انتم بتعملوا دلوقتى، فياريت تتقوا الله شوية بقى، ولا تلقوا بألسنتكم ماليس لكم به علم لأن فاض الكيل بكم بقى".

كما جاءت شماتة نشطاء "فيس بوك" معبرة لحجم المعركة الدائرة بين الطرفين، وعلق مينا سعد بقوله: "هتقولى دوللى دوللى .. هقولك إلهام إلهام".
وأضاف محمود الصوبيتى: "ولا بيصونوا اللقمة الحرام"، وتابع ناشط آخر: "الإخوان والسلفيين بيفرشوا الملاية لبعض".