بالصور.. مراسم عزاء شهيد الإسماعيلية "إبراهيم أحمد إبراهيم"
أقيمت مراسم العزاء لشهيد الإسماعيلية إبراهيم أحمد إبراهيم وشارك فيها كل أهالي عزبة الحمادات وقرية أبو عطوة وخيم الحزن المصحوب بإرادة التصدى للإرهاب على الجميع.
وقالت والدته بصوت خافت مكلوم: أصعب شىء فقدان الضنا، كان نفسى أفرح بيه، وأجوزه، كان نفسى يعيش، معقول ابنى مات زى اللى ماتوا على إيد الإرهاب! معقول الموضوع ده قريب كده لدرجة إنه ياخد منى إبراهيم ياخد فرحة عمرى وأجمل ما شافت عينى، أعمل إيه أجيبه منين بس، اللى فاضل منه إنى أقول الله يرحمك طيب الله يرحمك يا بنى".
وأضاف الحاج أحمد إبراهيم، والد الشهيد: " ابنى كان راجل وسيد الرجالة كان بيشتغل ميكانيكى للمعدات الزراعية وكان بيساعدنى في كل حاجة حسبى الله يا بنى ونعم الوكيل حسب الله في الإخوان والإرهاب وكل اللى استباح دمك يا بطل".
ولم يقتصر الحزن على أسرة الشهيد وأهالي قريته، إذ لمس الجميع حالة من الحزن الشديد تخيم على محافظة الإسماعيلية كلها وكذلك المحافظات التي سقط فيها شهداء في نفس الحادث الإرهابى الغادر والذي يتسم بالخسة والندالة.
