النشطاء يرفضون مبادرة دعم الشرعية.. أنصار الإخوان يسخرون من المبادرة ويطلقون على التحالف "دعم المهلبية".. محمد: رجعوا كل حاجة زى ما كانت.. العيزيري: تحالف دعم الملوخية بقى زي جامعة الدول المهلبية
قابل نشطاء تويتر مبادرة التحالف الوطني لدعم الشرعية، التي أطلقها اليوم لحل الأزمة، برفض ما جاء بها، البعض رأى أنها لم تأت بجديد، في حين كانت المفاجأة برفض أنصار ومؤيدي الإخوان لهذه المبادرة التي لم يتحدث فيها التحالف عن عودة شرعية المعزول مرسي، حتى أنهم وصفوا التحالف بتحالف "دعم المهلبية".
محمد نبيل: "مبادرة ما يسمى "تحالف دعم الشرعية".. لو شيلت منها الحشو والرغى الفاضى تلاقيها بتقول حنبقى نشوف التعديلات الدستورية بس رجعوا كل حاجة زى ما كانت.. مبادرة ما يسمى "تحالف دعم الشرعية" لها رد واحد.. ضحكة رقيعة جدا من أحسن بارات شارع الهرم يتبعها "مايحكمشى"..#الإخوان #مصر #عبث".
السيد تركي، أحد مؤيدي الإخوان: "مبادرة تحالف دعم الشرعية مهمة جدا في هذا التوقيت لتأكيد المسار السلمي للثورة واستمرارها حتى انتزاع الحقوق كاملة مع فتح الباب للحوار".
حاتم خلف: "مبادرة تحالف دعم الشرعية.. مبادرة كويسة وبداية حلوة.. اللى بيحصل مش في مصلحة حد".
هيثم المصري: "مبادرة تحالف دعم الشرعية هي هي نفس المبادرة بتاعتهم قبل فض اعتصام رابعة بيومين وشكرا".
ريم السماحي: "تعليقا على مبادرة تحالف دعم الشرعية.. مفيش حاجة بتفضل على حالها أبدا.. حتى أنا كنت حلوة دلوقتى بقيت أحلى #إلى هيفهمها يبقى برنس".
ناديا أبو المجد: "تحالف دعم الشرعية يطرح مبادرة لبداية "حوار جاد" بهدف الخروج من الأزمة الراهنة".
ناير: "مبادرة تحالف دعم الشرعية النهاردة من غير مرسي سيبك من إنها القفا الألف بعد المليون على دماغ النحانيح والنشتاء لكن إيه الحل اللي قدموه".
إنجي بسيوني: "جبهة دعم الشرعية: إحنا بنقدم مبادرة للحوار..المذيع: مع مين؟ سلطات الانقلاب؟....الجبهة: مع أي حد.. مع كل الناس.. وده ملخص نظريه "شرّقهم يا سيسي"".
عمرو مجدي: "تحالف دعم الشرعية طلع أول بيان مش بيتكلم عن عودة مرسي، وحزب النور رحب بالبيان.. والسيسي من يومين في خبر بيقولك عايز يتفاوض".
مصطفى جمال: "اثبت وثبت ال جمبك وسيبك من # تحالف دعم المهلبية راح ال كنت بتحبهم قدام عينيك - مش حنخسر أكثر ما خسرنا.. هي دي اضفها طريق طلب ولا تفاوض؟؟ البيان ده باعته لمين # السيسي؟ # القوى الثورية؟ ولا # الأحزاب السياسية؟ مش فاهم".
هشام العيزيري: "تحالف دعم الملوخية بقى زي جامعة الدول المهلبية كبيروا يشجب ويندد ويستنكر ويحمل الآخرين مسئولية فشله.. عجوز وغير مبدع وبلا قيمة # مصر".
Ticker_TwiPress: "«# تحالف دعم المهلبية» يشترط وضع أسس قبل الحوار مع # السيسي ومصادر تنفي طلب السيسي لقاء التحالف # خود فشار".
