"بالشفا" للشاعر حمدى زيدان
![الشاعر حمدى زيدان](images/no.jpg)
وسط الأولوف المؤلفة تحت النجوم المُشرِفة
على الليالى الخائفة وع القلوب التالفة
رجعت تانى لأرصفة أصحاب وعز المعرفة
وحدانى وحدة مُسرِفة بجراح هزيمة مُشرِّفة
مالكش شباك فى البيوت ومالكش كلمة على السكوت
وسايقها طيران فى السقوط بجناح ورق فى العاصفة
قلبك مرقع بالجراح والخطوة مادقتش البراح
مستنى جاى من اللى راح ويبان أوان للى اختفى
فرّيت فى كتاب الوشوش وغمزت للحزن البشوش
وعطفت على دمع الوحوش واتخنت فى الحضن الوفا
آدت عنيك ليل الصحاب ودفعت بالروح الحساب
وعصرت للشمس السحاب نزلت دموعك آسفة
شعلقت خوفك فى الأمان ودبحت بالقوس الكمان
ونزفت يومك فى الزمان وشربت دمعك .. بالشفا