مرسي: أنا الشرعية.. والعريان يرد: إحنا حبسجيه !
تعدي المتهم محمد محمد مرسي عيسي العياط على حارس القفص بالسب بعد أن قال له الحارس بكل أدب وزوق: اتفضل ادخل القفص يا افندم.
يقول محرر وكالة هريدي نيوز: إن الكلمة دي ضايقت المتهم المعزول جدا .. ورد على الحارس وقال له: يا بني آدم انا مش افندم انا رئيس شرعي ومنتخب وإن شاء الله هاحبسكم مكاني .. بس لما القاضي اللي جوه ده يقتنع اني منتخب وشرعي وهاقنعه هاقنعه ليه ما يقتنعش أنا شرعي.
يضيف المحرر بحسب مصدره الفشار اللي كان لابس طاقية الإخفى وقاعد جوه القفص: أن المعزول أول ما دخل على البلتاجي خده بالحضن قال له مش أنا شرعي أصلى يا بلتاجي واللا انا صيني، وكان رد البلتاجي اصبر يا شرعي هانرجع هانرجع بس الصبر حلو لما اللي بره يسخنوا شويه ويولعوا الدنيا.
يؤكد المحرر طبقا لنفس ذات المصدر الفشار المختفي في القفص: أن العريان رده عليهم كان: اتلهوا واسكتوا احنا هنا حبسجيه مش ادارجية حاولوا تخلوا العوا يتصل باللي بره يشوفوا لنا خروجه !
