إلغاء برنامج باسم يوسف يشعل تويتر وفيس بوك.. نوارة: على الله فليتوكل المؤمنون.. محمد: جلبت العار لنفسها.. عرفات: مصر مش هتبقى قد الدنيا بالحجب ومنع الحرية.. هند: إحنا نروح نعتصم عند مدينة الإنتاج
أثار وقف برنامج البرنامج الذي يقدمه باسم يوسف جدلا واسعا بين النشطاء على تويتر وفيس بوك وطالب النشطاء باسم بالعودة إلى قناته التي بدأ منها على اليوتيوب فيما أشار آخرون إلى أن ما حدث يعد بداية لعصر جديد من الإرهاب الفكرى السطور التالية تحمل بعض ما جاء في تغريدات النشطاء.
نوارة نجم " السي بي سي "وقفت" إذاعة برنامج باسم يوسف... وعلى الله فليتوكل المؤمنون"
محمد عادل" سي بى سى جلبت العار لنفسها بايقاف برنامج باسم يوسف اليوم."
أحمد سامح" طيب بما أنه مفيش حلقة ل #باسم يوسف أنا هجيب الجزيرة مصر أتفرج على تسريبات #السيسي"
أحمد فاروق" أنا مش زعلان على إيقاف باسم يوسف...أنا زعلان إني اتفرجت على خيري رمضان وعصرت على نفسي طن لمون وفي آخر الحلقة يقولي مفيش #باسم يوسف النهارده"
عمار رشدي" قالك إيقاف برنامج باسم يوسف.. والشعب الطيب يصدق وكلها جمعة ولا اتنين ويرجع.. بس هيرجع بطل (وهمي) ساعتها.. والشعب الطيب برضو "يسقف" #قرفتونا".
محمد صفدي" إعلان إيقاف بث برنامج البرنامج الذي يقدمه د. باسم يوسف على قناة #cbc والحجة أن هناك خلل في تنفيذ شروط العقد بين منتجه وإدارة القناة".
مريم ياسين" يلا يا محبين #باسم يوسف ومليونية رجعوا إعلانات برنامج البرنامج اللي هي أطول من الحلقة نفسها"
هند عرفة" احنا نروح نعتصم عند مدينة الإنتاج الإعلامي ونسرق العجول إللى كان بيسرقها أبو إسماعيل واهو أكيد الصرف بتاع الحمامات لسة موجود #باسم يوسف".
زيزو طارق" بعد شوية هيتحول الفيس لتلات فرق.1 /باسم يوسف دا سافل ولازم يتربي 2 /باسم يوسف أنا احترمته جدا بعد الحلقة دى واللي بيعترضوا عليه عبيد. 3 /أنا الوحيد في الفيس اللي مجبتش سيرة باسم يوسف ياترى هتبقى مين فيهم"
رحاب ضاهر" ومن توقعاتي أن باسم يوسف راح تتلقفه محطة الجديد ويصير يقدم برنامجه على شاشتها وذلك بعد حظر برنامجه الليلة..كيف أنا أو ليلى عبداللطيف"
تقي داوود" سي بي سي أخدت مرادها من باسم يوسف واما الكلام معجبهاش مزاعوش الحلقة. هي دي أخلاق الفلول ؟" .
أحمد كمال " بسبب اللى حصل مع #باسم_يوسف في ناس هتعيد نظرها في حاجات كتير وأنا أولهم عشان احنا مشلناش مرسي عشان نعيد نظام مبارك !!"
Selawism "منعوا برنامج #باسم_يوسف عشان يفرجونا على ستار أكاديمي، اللي بيحصل ده بيفكرني بـالكلمات الخالدة ل "ليش مكشر تع رقصني شوي"
محمد عرفات" #باسم يوسف السلطة اللي تخاف من برنامج ساخر يبقى على رأسها بطحة ومش قادرة تواجه مشاكلها و#مصر مش هتبقى قد الدنيا بالحجب ومنع حرية التعبير"
herRandomness7 " العجيب بالنسبة لي أن باسم يوسف فعلا ماقالش حاجة أصلا، أو كان ممكن يقول أكتر من كده بكتير، قوي. فإيه بقى؟"
حمادة البواردي" يبقى النهاردة الحلقة كانت مخصصة لفشخ الكبار أوي #البرنامج #باسم يوسف"
أسامة كيمو" ارجع لأصلك يا #باسم يوسف على Youtube وسيبك من قنوات الفلول دى"
