فكرة جهنمية لزيادة موارد «التربية والتعليم»!

اصطحب شاب إحدى صديقاته وتوجه بها إلى ديوان وزارة التربية والتعليم، وحاول الدخول للقاء المسئول عن الموارد المالية بالوزارة.. إلا أن الأمن منعه إلا بعد معرفة سبب الزيارة.

رفض الشاب الإفصاح عن سبب الزيارة.. مصرًا على أنه يحمل مشروعا سيجعل الوزارة أغنى من وزارة البترول.. وبعد إلحاح منه سمح له الأمن بالدخول..

بعد عبارات الترحيب سأله المسئول عن المشروع الذي يحمله.. فأخبره الشاب بأن لديه فكره ستضمن عدم تسرب التلاميذ من التعليم، ولن يفكر أحد في الهروب من على أسوار المدارس.

باندهاش.. سأله المسئول: إزاي يعني؟!.. رد الشاب عليه بسؤال: هي الوزارة سجلت كام حالة دعارة في المدارس؟!

تفاجأ المسئول بالسؤال، ورد عليه: وما علاقة الدعارة بالفكرة بتاعتك؟!

- ما هي دي الفكرة يا فندم..

- الدعارة؟!.. حاشا لله..

- أيوه الدعارة يا فندم.. وزارة الداخلية كل يوم بتقفش شبكة دعارة في إحدى المدارس.. ووزارة التعليم ما بينوبها غير الفضيحة والجرسة.. والفراشين بتوع المدرسة هما إللي بياخدوا "الغلة"..!

- اطلع بره أنت والساقطة إللي معاك..

- اهدى بس.. الفكرة دي مش هتكلف الوزارة أي حاجة.. ومش هتأثر على العملية التعليمية.. واحسبها حضرتك.. لو جالنا 10 زباين بس في اليوم في 100 جنيه في نص ساعة أو ساعة.. وضربنا الرقم ده في كل المدارس هيطلع لنا مبلغ مهوووول.. وماتنساش إن المدارس في الأماكن الراقية هيكون سعرها الدوبل وأكتر من الدوبل.. وشوف بقى الفلوس اللى هتدخل الوزارة هتكون قد إيه.. وساعتها هيكون مرتب حضرتك مش أقل من 20 ضعف مرتبك الحالي.. ولو قننا الفكرة دي تبقى الداخلية ملهاش عندنا حاجة.. ومش كل شوية تعمل كبسة على المدارس وتعكنن على الزباين..!

- وتفتكر الوزير هيوافق على الفكرة؟!