نشطاء يحمّلون الحكومة مسئولية حادث كنيسة الوراق.. الببلاوي قال "أولوياتي اقتصاد وأمن" ومن ساعتها التفجيرات في الطالع والاقتصاد في النازل.. اللي شايف إنه ممكن يتجوز طفلة عمرها 9 سنين مش بعيد يقتلها
انتقد عدد من النشطاء على مواقع التواصل الاجتماعى أداء حكومة الدكتور حازم الببلاوى، وحمّلوها مسئولية الحادث الإرهابى لكنيسة العذراء بالوراق، والذي راح ضحيته 4 قتلى ونحو 18 مصابا.
وأكد النشطاء في هشتاج باسم "أحداث الوراق" أن أحداث كنيسة القديسين تتكرر اليوم في محاولة من جماعة الإخوان لإشعال الفتنة الطائفية بين الشعب المصرى.
ومن جانبه قال الناشط السياسي علاء عبد الفتاح معلقا على مصرع الطفلة: مريم فهمي 8 سنوات في حادث إطلاق النار على الكنيسة قائلا: "شايل آلي عشان تقتل طفلة عندها 8 سنوات؟!.. ما هو اللي شايف إنه ينفع يتجوز طفلة عندها 9 سنين مش بعيد عليه يقتل طفلة عندها 8 سنين".
وبدوره قال الناشط السياسي أحمد دومة: حكومة فاشلة.. وداخلية أفشل.. مش قادرين تحموا حياة الناس وأرواحها اقعدوا في البيوت ونشوف غيركم!!
أحمد صالح: "حد يكلم سليم العوا يقوله فين الأسود والأسلحة اللي في الكنايس!!"
رسلان محمود: طالما الدولة بتفرق بين رعاياها على أساس الدين.. ليه تستغرب لما الإرهابي العنصري يفرق بينهم على نفس الأساسِ.
خالد منصور: "ولسه الغبي شغال من نفس الكاتالوج البائد.. لما تتزنق إديها فتنة طائفية".
نجوان: يعني قبل ما أنزل من بيتنا لازم أقول الشهادة، رايحة فرح.. ماتش.. أتفسح مع صحابي وأهلي، سايقة عربيتي.. واقفة في البلكونة.. الموت هيحاصرنا لإمتى؟
زمردة: "يا جماعة حررررام.. دي طفلة.. هما المسيحيين ناقصين غلب لما تموّتوا عيالهم.. إنتم إيه؟"
هانى عبد اللطيف: معاهم حق يتجننوا، ناس كانت بتجيب ربع كيلو اللحمة بالقسط ومرة واحدة لقوا نفسهم في الحكم بس رجعناهم يخدوا على قفاهم تاني.
حازم عبد العظيم: أي تفاوض يبقى بين طرفين إلا في حالة واحدة لما التفاوض يكون مع إرهابيين خونة يبقى الطرف الثالث هو اللي بيتفاوض.
إرادة الشعب: لابد من المواجهة صح بدءا من الجامعة والمدارس لوقف المهازل دي والفوضى.
أنا انقلابى: الببلاوي قال أولوياتي اقتصاد وأمن ومن ساعتها والتفجيرات في الطالع والاقتصاد في النازل.
Mohammed ::::::: بس سيبك أنت... العادلى هو اللى فجر كنيسة القديسين والإخوان فصيل وطنى وأمن الدولة كان بيضطهد الإرهابيين!!
محمد كمال: الموضوع لا بلد ولا ثورة ولا شعب الموضوع مصالح شخصية كانت قائمة وما زالت لازم يدافعوا عنها.
انقلابي وأفتخر: الشرعية أو نفق مظلم... الشرعية أو الدماء... لا بديل عن الشرعية.
باباى: يجب إعلاء هيبة الدولة والتصدي للأمراض المستحدثة كالألتراس وبلاك بلوك ومظاهرات الجامعات والمدارس الأزهرية (هنا دولة)
Rania: اتوضيت كويس قبل ما تقتل الطفلة؟ طب صليت ركعتين شكر إنك قتلت 3؟ طبعا حيتقال المسيحيين هم اللي قتلوا نفسهم والإخوان كانوا بيعملوا سبح.
مصر هي همى: لما تعلن التعازي متقولش في المسيحيين قول في المصريين.
obad mohamed بعد كل اللي حصل في البلد ده من قتل وتفجيرات وخراب مالوش نهاية يطلع واحد من بتوع السبوبة يقولك الإخوان فصيل وطنى ولابد من احتوائهم.
محمود حسن: اللى عايز يتصالح مع الإخوان خايف ينكشف لما الإخوان تتحاسب على جرائمهم لأنه شريك فيها.
Yehia: نفسي أعرف ليه كل واحد قرفان من أم البلد دي.. يطلع قرفه في المسيحيين، هما مالهم يا عم؟!!
Mondina: أكيد واحد مختل كالعادة.
Ehab sleem: مش هيرجع يا خرفان الغبرة حتى لو اتقتل الشعب كله مش الأقباط بس.
