"شفت تحرش" تنشر شهادة فتاة تعرضت للاعتداء في المترو
نشرت مبادرة "شفت تحرش" اليوم الجمعة، شهادة إحدى الفتيات حول ما تتعرض له الفتيات من التحرش في محطات مترو الأنفاق، خاصة مترو الشهداء "رمسيس سابقا"، والتزمت المبادرة بعدم نشر بيانات الفتاة حفاظا على حقها في سرية بياناتها وهويتها.
نص الشهادة:
أنا عايزة أبلغ عن حالات تحرش بتحصل في محطة الشهداء، النهاردة ركبت المترو من محطة البحوث لحد محطة الشهداء ولما وصلت المحطة حصل تدافع شديد عل الباب وبعد ما نزلنا لقينا زحمة غير طبيعية على المحطة وكان فيه صويت وزعيق بصوت عالى.
وكان فيه عسكري واحد بس على المحطة وكان في شباب بتحاول تساعد البنات وعمالين يحاولوا يشدوهم أنا مكنتش لسه فاهمة إيه اللي بيحصل لحد ما بدات إيدين كتير تيجى عليا ومبقتش عرفة مين ولا مين ولا أزعق لمين ولا أحوش إيد مين ومش أنا بس كل البنات كانت بالمنظر ده، وكان فيه تدافع لدرجة إن فيه ناس وقعت على القضبان وشوفت بنت وقعت على الأرض وواحد نزل عليها وهى واقعة.
في الآخر أنا وواحدة مسكنا في بعض وفي واحد حاول يساعدنا لحد ما وصلنا لآخر المحطة وفضلنا واقفين مكاننا مش عارفين نتحرك والبنات كلها في حالة انهيار تام.
ولما قدرنا نوصل للماكينات فوق كان فيه أمن واقف عليها ومكنش راضى يعدينا، وحصل تدافع برضه لحد ما واحد من الركاب عدانا وواحد تانى من الأمن فتحلنا ماكينة.
