أضرب الودع وأبين زين لحضرة وزير الداخلية !

حضرة وزير داخلية مصر.. أقول لك إيه؟.. هم المشاغبين بتوع رابعة سايبهم ليه.. بيعطلوا الدنيا عايزين القانون نلغيه!!.. ويقعدوا يهللوا ويلعبوا لكم فيه.. طب ليه.. يخالفوا ونسكت والغلط نداريه.. مش بالخلاف والهتاف الحكم راح نبنيه.. مش كل يوم فيه مظاهرة وفبركة وتمويه.. ونقول لغاوي الشعب إن إحنا بنحييه.. لأ ياوزيرنا العزيز نص القانون نراعيه.. ونطبقه ع المخالف دون أن نلغيه.. أحسن خلاص العباد صابرة على التسفيه..

هم خلاص فكروا العنف فيه ترفيه.. اللعبة عارفينها وانكشفت بها تشويه.. وسكوتنا خلي اللي طامع تنفرد أياديه.. ويعطل المجتمع وكل شيء يرميه.. وشبعنا من جريهم وعرفنا إيه مراميه.. ولابد من صدهم وبالقانون نقاضيه.. وبكل عدل ونزاهة شعبنا نحميه.. وهي دي مصر والخاين لها تربيه.. واللي يقف جنبها بتقدره لمعانيه.. فقول لهم يعقلوا السلطة مش تأليه.. الشعب عطشان وعارف مين بقي بيسقيه.. والكرسي مش بالهتاف وبالخطب تلاقيه.. الكرسي له مسئولية واللي قعدوا عليه.. بيعرفوا كل قيمته اللي بتخليه.. في نظرنا غالي وعالي والجميع يفديه.. فأمر سيادتك بقي بالانضباط خليه.. يمشي على الكل وإحنا له نقف نحميه..