"الداخلية_الأمريكية_بلطجية" هاشتاج يستنكر أحداث الكونجرس على الطريقة المصرية.. إعادة تأهيل الداخلية الأمريكية..ندين القبض على من يطلق الرصاص بسلمية.. همة الإخوان راحوا أمريكا.. العنف يولد العنف
"الأيام دول" ومن لا يعترف بالإرهاب في مصر يتذوق مرارته في بلده...هكذا عبر نشطاء المواقع الاجتماعية عن أحداث إطلاق نار على مبنى الكونجرس في واشنطن وقتل مواطنة أمريكية يشتبه بأنها الجانى، في هشتاج باسم "الداخلية_الأمريكية_بلطجية"، قاموا فيه بتوصيف الحدث الأمريكي على الطريقة المصرية.
المحروسة: يا ترى الجزيرة الأمريكاوي أطلقت على الحادث لقب مذبحة الكونجرس؟
مها كريم: وربنا لننيمك من المغرب يا أمريكا
Rania: ياولاد حد يدورلنا على تويتة البرادعى اللى بيدين العمل الوحش القاسى ده (يامرارى)
abuel3nine: يجب إعادة تأهيل الداخلية الأمريكية وتدريبهم على ضبط النفس قتل الإرهابيين مرفوض شكلا وموضوعا.
marwa: نطالب الحكومة الأمريكية بالمصالحة مع الإرهابيين الفصيل الوطني #الداخلية_الأمريكية_بلطجية
midofahmyy: ندين بشدة محاولة الشرطة الأمريكية محاولة إلقاء القبض على من يطلق الرصاص بسلمية
Abeer: وزير الداخلية هيطلع يقول معندناش خرطوش ولا الظباط ضربت رصاص حى دي الست بتستهبل وقرايبها هما اللى موتوها
Amira: #الداخلية_الأمريكية_بلطجية كل الضرب ده وموتوا واحدة ومعاها طفل عشان إطلاق نار قرب الكونجرس أمال لو فجروا لغم كانوا عملوا إيه؟!!
Khaled Saad: هو الإخوان راحوا أمريكا وبيضربوا نار أمام مبنى الكونجرس هناك ولا إيه!!؟
Hamada T. Osman: :بعد الهجوم المسلح على مبنى الكونجرس الأمريكى، أوباما هيطلع دلوقتى يرقص لهم 10 بلدى علشان هو ملوش في العنف وبيحترم حقوق الإنسان
محاسب / عطية فؤاد : محتاجين شاش ومضادات حيوية وبيتدين للمستشفى الميداني ناصية الكونجرس.
Jihan Saleh: خليهم بقى يتعلموا ضبط النفس
naelhalawa: #الداخلية_الأمريكية_بلطجية. مع تحيات تنظيم الصوابع الأربعة
Noha Mahmoud: اتهام السود في أمريكا بقى زى اتهام المختلين عقليا وحوادث الماس الكهربائي في مصر!
طارق مراد: لعنة الفراعنة بتحط عليك يا " أوباما " قلنا بلاش مصر يا أوباما مسمعتش الكلام، أهو بيتقفل عليك الزمبيل وسط أهلك وعشيرتك إنت كمان وابقى خلى المعزول وخرفانه ينفعوك بقى.
نوارة نجم: مصدومة بجد ومش عارفة أصدق ولا قادرة أرد على رأي الست إليسا.. ده السيسي دعا عليهم ولا إيه؟ وابتديت أصدق أن أوباما إخوان زي ما تهاني الجبالي قالت.. أصله نحس قوي
في الكون وحيد: مش مصدق اللي بيحصل بجد سي أن أن بتقول تبريرات إن الشرطة من حقها تضرب نار والشرطة معملتش حاجة غلط واللي ماتت وملهاش ذنب.
Moe: الجزيرة بتقول الجيش الأمريكي الكافر ضربوها وهي بتصلي جوه العربية
حسام الدين على: العنف لا يولد إلا العنف يا أوباما
حازم عبد العظيم: نرجو من الحكومة المصرية التقدم بطلب للإدارة الأمريكية لمقابلة المعتقل المتهم بإطلاق النار للاطمئنان على صحته النفسية وإن الثلاجة مليانة
سارة: القبض على الإرهابيين في مدينة نصر واشنطن، وفي تغريدة أخرى: ابحثوا عن الكام صباع اللى بيلعبوا في أمريكا !
RaniaAtef22: #الداخلية_الأمريكية_بلطجية أنا شامة ريحة عاشور من الشرقية وفودة بتاع المنصورة اللى عندهم في أمريكا.
