مبارك : دمرت قاعدة الاتصالات الإسرائيلية قبل حرب أكتوبر بـ 6 دقائق
يستكمل الرئيس الأسبق مبارك فى تسجيلاته التى انفردت بها الزميلة اليوم السابع ذكرياته في حرب أكتوبر قائلا، ضربت قاعدة الاتصالات الإسرائىلية ودمرتها قبل الحرب بـ ٦ دقائق، لنسف أي اتصالات عسكرية من القاعدة إلى غرف العمليات.
فتفاجأ رئيس غرفة العمليات قائلا، إيه اللي حصل الاتصالات عندهم اتقطعت قولتله ياه إنت متعرفش احنا دمرناها وتابع هو مكنش يعرف بالمهمة الاستباقية دي غير الرئيس السادات والمشير أحمد إسماعيل وأنا بعد توجيه الضربات للعدو رحت لفيت للتمويه بالطائرة من الإسكندرية لأبو حماد ورجعت غرفة عمليات القوات الجوية قدام نادي الزهور في فيلا وكلمت غرفة عمليات القيادة المركزية للقوات المسلحة .
وأضاف اتصلت بالتليفون ردوا بسرعة كلهم كانوا متأهبين ومنتظرين ترمي الإبرة ترن رد عليا أحمد إسماعيل قولتله يا فندم إحنا حققنا إنجازا كبيرا بس فيه خساير حوالي ٦ طائرات وأخو الرئيس اتصاب واتضرب، لقيت الرئيس السادات سأله قاله مين اللي معاك ده يا أحمد، رد الأخير، ده حسني مبارك قاله ادهوني كلمني السادات وقالي إيه الأخبار حكيتله لقيته علا صوته انتصرنا مبروك الحرب ياولاد اختتم الطبيب.
