إنجي حمدي: يجب على الجميع التوحد أمام معركة الدستور
طالبت إنجي حمدي - الناشطة السياسية - جموع الشعب المصري والنشطاء بالانضمام لحركة "واحد"، والتوقف عن الصراعات لمواجهة الخطر الواضح على الدستور.
كما قالت إنجي حمدي - الناشطة السياسية في تدوينة لها عبر حسابها الشخصي على موقع التواصل الاجتماعي "فيس بوك" -: "يجب علينا استبدال جميع تلك الحملات والمواقف المختلفة في حملة "واحد" نسند إليها مهمة مراقبة الدستور وطرحها بشكل مباشر".
وجاءت تدوينتها كالآتي: "طيب ليه بدل ما كل واحد في معركة خاصة به، ما الكل يتحد ويركز فالمعركة الأهم وهي "الدستور"، ليه بدل ما كل الحملات شغالة "اكتب دستورك" أو "كلمنا وقولنا اقتراحاتك".. ما الكل ينزل للناس في حملة موحدة مش مجرد اكتب دستورك ولكن"حقي في دستوري" الدستور ده حقي وحقك مش مجرد شارك في كتابته ومحدش عارف أصلا هياخدو بالاقتراحات ولا لأ".
كما استطردت قائلة: "حقي في دستوري" هو حق كل واحد فينا.. حقي في الحياة.. الكرامة.. العدالة.. الحريات.. الصحة.. التعليم.. حق كل مؤسسة في الدولة، وهكذا كل واحد يصيغ حقه وتتجمع المواد كلها الأساسية إللي مفيش تنازل عنها، ويتم إرسالها للجنة تصيغ حقوق الناس وفقط والكل يضغط لتحقيقها ومن غير ما المواد دي تكون في الدستور.. إذن ده مش دستوري.. أنا عايز حقي ووقتها هيكون حق الشعب بجد والكل هيشارك لأن ده حقه.. عـــــــــــــــايــــــــــــــــــــز حـــــــــــــــــــــــــقــــــــــــــــــــــي".
