النادي محتاج ثورة تصحيح والخطيب لازم يمشي، هزيمة الأهلي أمام بيراميدز تهز أركان القلعة الحمراء وانقسام بين الجماهير الغاضبة
محمود الخطيب، تصدر هاشتاج "كابتن الخطيب" التريند عبر مواقع التواصل الاجتماعي، بعد الخسارة الثقيلة التي تعرض لها الأهلي أمام بيراميدز، حيث فاز بيراميدز على الأهلي بثلاثة أهداف بدون مقابل، في المباراة التي أقيمت أمس الاثنين، ضمن منافسات الدوري الممتاز.
جماهير النادي الأهلي تطالب برحيل كابتن الخطيب
وأظهر الهاشتاج حالة الانقسام الشديدة بين جماهير النادي الأهلي على قيادة كابتن محمود الخطيب، رئيس النادي الأهلي، للمرحلة المقبلة في إدارة النادي، البعض طالب الخطيب بالتنحي عن إدارة النادي حتى لا يخسر تاريخه بعد ما وصفوه بالموسم الصفرى للنادي الأهلي، في حين أكد أخرون أن كابتن الخطيب من قاد الأهلي في فترة تمكن أن يحصل له على العديد من البطولات، والأمر يحتاج لإعادة تصحيح فقط.
علق المحامي خالد أبو بكر فقال: "مصلحة الأهلي تقتضي رحيل محمود الخطيب ومجلسه الحالي، داعيًا إلى تشكيل مجلس إدارة جديد برئاسة ياسين منصور حفاظًا على تاريخ النادي"
وقال الاقتصادي هاني توفيق: "أكرر ما أقوله منذ ٣ سنوات. مشكلة الأهلى خارج الملعب، وواثق أن الخطيب جزء من هذا...، بتعمد سوء اختيار هؤلاء المدربين واللاعبين الفشلة. وأزيد: عدم سحب الثقة منه من الجمعية العمومية، تعتبر إهانة لتاريخ الأهلى بالكامل".
ورد البلوجر حسني ناجي قائلًا: "بطولات الأهلي في عهد الكابتن محمود الخطيب (من 2017 حتى الآن): (٦ دوري مصري، ٣ كأس مصر، ٦ سوبر مصري، ٤ دوري أبطال إفريقيا، ٢ سوبر إفريقي، ١ كأس القارات الثلاث (إنتركونتيننتال)، ٣ برونزية كأس العالم للأندية) إجمالي +٢٥ بطولة، أسطورة كلاعب.. وأسطورة كرئيس للنادي الأهلي. نعم في أخطاء يمكن تعديلها، لكن محاولة إختصار مجهودة في موسم مرفوض.. عندنا لعيبة لا تستحق التواجد في النادي الأهلي".
الخطيب خاف يمشي توروب فأصبح الموسم صفريا للأهلي
أما البلوجر ومدرب اللياقة البدنية خالد سرور فقال: "الخطيب خاف يمشي توروب علشان الشرط الجزائي بـ 6 ملايين دولار، قام توروب مخرج الأهلي من البطولات دي: (دوري الأبطال الموسم الحالي، والسوبر الافريقي لو كان كسب الابطال، والانتركونتينتال لو كان كسب الأبطال، وكأس مصر من فريق بتاع نت، والسوبر المصري هيخش بالكارت الذهبي، وخسارة الدوري المصري بنسبة كبيرة جدا، وعدم ضمان المشاركة في الأبطال الموسم الجاي، وبنسبة كبيرة مش هيشارك في كأس العالم للأندية)، فنون الإدارة برعاية كابتن محمود الخطيب"
وقالت البلوجر مديحة أسامة "الخطيب أخطأ وابتعد وسلم الملف لغيره وكبوه زي اللي بتحصل لريال مدريد انتم من تريدون ان تضيعوا الاهلي"
وعلق البلوجر فتحي بكير قائلًا: "أنا من محبى الكابتن محمود الخطيب، وبمنتهى العقلانية كنت موافق على قراره بعدم خوض الانتخابات، لكن للأسف العاطفة تدخلت عند البعض واقنعه يكمل.. كان نفسي كابتن محمود الخطيب يصر على قراره لمصلحة النادى، ولمصلحة صحة كابتن محمود الخطيب اللى بحترمه"
الخطيب لا يتحمل المسئولية واللاعيبة السبب
وقال البلوجر عماد أحمد: "أنا آسف... بس دى الحقيقة اللى أنا شايفها الخطيب أسطورتنا حقيقى بس هو السبب الرئيسى فى اللى وصله فريق الكورة، أهل الثقة للكابتن الخطيب من أول ما سيد عبدالحفيظ ساب مدير الكورة من غير سبب مقنع.. ومجموعة لاعيبة أسامى فقط مش لاعيبة أصلًا"
وعلق البلوجر محمود باتع، فقال: " كابتن محمود الخطيب لايتحمل المسؤولية في الموسم الصفري للنادي الأهلي، هذا الموسم اللي يتحمل المسؤولية الجمهور اللي كان ضغط علي الإدارة، عايزين نجوم والجمهور اللي شايف اتحاد الكورة موجه الدورى وعمال يضغط على الإدارة واللعيبة اللي كان فرحان فيها، الوقت ده محتاج ضغط علي اتحاد الكورة واللي ورا اتحاد الكورة وإعطاء فرصة للإدارة تصلح وترجع لسستم الأهلي تشتري اللعب اللي شاري الأهلي مش اللعب اللي شايف نفسه نجم"
وقال البلوجر زهران سيد: "الخطيب رجل نظيف ويعمل من خلال مجلس إدارة، أنظروا للبطولات فى عهده وبطولات باقي الألعاب وتوسع النادى وفروعه الحاصل سببه حاجات كثيرة وعايزين يخلصوا على الخطيب لأنه محترم"
أما البلوجر أحمد سليم فقال: "كفاية يا كابتن الخطيب كفاية، عشان رصيدك الكبير عند جمهور الأهلي ميروحش، اللي بيحصل مش بس سوء حظ، ده فشل إداري واضح في الصفقات، اختيارات غلط من البداية، ولعيبة متجابتش الإضافة المطلوبة، والأصعب إن القرارات دي خلتنا نكمل مع مدرب واضح إنه مش مناسب وكلفنا نخسر بطولات كانت في إيدينا، والجمهور صابر بس الصبر ليه حدود، والأهلي لازم يرجع لهيبته بقرارات صح قبل ما كل حاجة تضيع"
