أسامة ياسين "لبّس" الفلول في الحيط

أسامة ياسين القيادي الإرهابي المحبوس دلوقتي في طرة يا إما بيستهبل يا إما بيستعبط ولّا ممكن يكون الاتنين مع بعض قال إيه لما اتسأل في النيابة عن موقعة الجمل رايح يرد ويقول بإن اتهامه في موقعة الجمل اتهام ما يقدرش يبرأ نفسه منه، لأن الحزب الوطني هو الذي خطط لارتكاب الواقعة، والإخوان هم المنفذون.

يقول محرر هريدي نيوز: ولما اتسأل وإيه العائد من وضع إيديكم في إيدين الحزب الوطني، أوام يرد يقول إن المقابل هو الإفراج عن بعض قياداتهم بالمعتقلات، وتعهده بإجراء انتخابات برلمانية تكون للإخوان الأغلبية فيها من أجل القضاء على ثورة 25 يناير.. وأضاف المحرر أن أسامة بيستهبل على وكيل النيابة وعامل فيها عبيط، حزب وطني إيه اللي كان هيفرج عن معتقلين وهم كانوا خلاص وقعوا.

أكد محررنا بحسب مصدره الفشار: إن أسامة عايز يلبّس مجموعة من قيادات الوطني في الحيط علشان ما يتهنّوش بالانتخابات التشريعية اللي جاية خاصة إنها هتبقي فردي واللي بيعرف يدير انتخابات في البلد دي الإخوان والفلول، لذلك قرر أسامة ياسين إنه يحرمهم من الفرصة دي لحد الجماعة ما تلم نفسها في الأربع سنين الجاية علشان تدخل تسيطر تاني، أسامة مش سهل يا جدعان!