على جنب يا أسطى.. نازل المحطة الجاية!

يقول محرر هريدي نيوز: لما تقابل واحد إخواني في حوار على القهوة وللا في وسيلة مواصلات زي المترو أو أتوبيس وممكن برضو في ميكروباص تلاقيه بيقولك إن ثورة 30 يونيو هي ثورة الست ساعات، ومحدش إدى للمعزول فرصة زى المخلوع.
ترد إنت تقوله: ماشى يا سيدى موافقينك ست ساعات، وهى كتيرة عليكم أصلا لأنكم أهون من بيت العنكبوت وحقكم من ساعة لساعة وخمسة، وبرضو كتير إن شالله ما حد حوش.

يرد يقولك: إنتم مش اديتوا فرصه لمرسي يثبت لكم إنه أعظم رئيس في التاريخ لأنكم عملتم 24 مليونية، وأكتر من 1240 وقفة احتجاجية و360 سلسلة بشرية.

يضيف المحرر أنك تضحك على رده، وتقوله يا إخواني معنى كده إن الثوره أيدتها 24 مليونية حتى وصلت إلى أعظم مليونيات الكون 30 يونيو و26 يوليو.

يرد يقولك أنا مش إخواني ويحلف برأس أبوه وأبو اللي جابوه إنه بس بيحب الدين، ومنحاز للجنة وإنت في النار علشان سايب المشايخ ومنضم مع الفنانين.
يؤكد محرر الوكالة إنك بتبئى هتفطس من الضحك، وتقول له: مرسي قابل الفنانين وكرمهم يبئى مش عيب يكونوا مع باقي الشعب، ومفاتيح الجنة مش مع مرسي.
يرد يقولك: على جنب يا أسطى أنا نازل المحطة الجاية.