مش هاتسيب الحوار الوطنى ..! لكن الحوار هايسيبك ..!
الفاتيكان كلمة سر الإخوان هكذا يقول محرر هريدى نيوز، وسبق وقولنا إن أى شخص غير مرغوب فى وجوده داخل مملكة النمل، يتم نفيه إلى الفاتيكان، عبد المجيد محمود من السابقين ثم محمود مكى الوافد الجديد للمنفى، ورصد محرر الوكالة تصريحًا على لسان آخر المنفيين بيقول إنه مش هايسيب الحوار الوطنى، فطار محررنا وسأل حد عايز من ده؟ ..كانت الإجابة بالإجماع، قول للزمان ارجع يا زمان، مش هاتسيب الحوار لكن الحوار هايسيبك، ويبدو أن الأخوين مكى يلعبان بمبدأ واوا أح التى تمتلك حقوقها الفكرية العبقرية هيفاء وهبى، والنظرية دى معناها بالبلدى والأفرنجى وكل لغات العالم حتى الفيومى والصعيدى، اتمسكن لحد ما تتمكن، وعلى نفس الصعيد عرف محررنا أن مكى الصغير مكنش عايز المنصب، أوم إيه حد قاله يا تقبل المنصب يا تقبل التحقيق فى شليهات الشمال، صحبنا واكل سد الحنك، هوس ولا كلمة قبلنا يا بيه !!
