البرادعي يرفع شعار "الجري نص الجدعنة"

سخر الشباب من البرادعي بعد هروبه من منصبه.. أنصاره الذين أطلقوا عليه اسم الـ "بوب" قرروا أن يستبدلوه بـ"سبونج بوب" الشخصية الكرتونية الشهيرة، "فيتو كافيه" رصدت تعليقات الشباب.. 

نفرتيتى أحمس: البرادعى مات سياسيا وانتهى أسطوريا.
أحمد هوجان: البرادعى خلاص اتقفل عليه الزمبيل للأبد. 
سارة شعبان: ده مطلعش بوب ده طلع سبونج بوب.

عبده الوزيري: الجرى نص الجدعنة يا منى. 
هبة حمدي: أنت طلعت راجل كبيرك تويتة.

خالد العدلي: نورتنا الشوية دول ياعم الحج.. اركن على جنب شوية لحد ما الدنيا تهدى بقى.

محمد العطار: كلكم مستنيين تعليقي على البرادعى؟! طيب حاضر البرادعى طلع طرى وضعيف.. قول اللى عايز تقوله بس متخونوش ولا تقول عليه عميل تقدر تقول عليه عديم المسئولية.

أحمد سالم: "مصر القوية": البرادعي يتعرض لحملة «تشويه مسعورة» من فلول الحزب الوطني.. مصر القوية بدافع عن البرادعى إزاى دا.
نهى هشام: أصلوا طلع زى أبوالفتوح مكس، توأم ملتصق هههه..

ريم أحمد: لما أبو الفتوح وحزبه يدافعون عن البرادعي الطري مستني تشوف إيه أكتر من كدا والله تتساقط الأقنعه وقت الشدة.
هنا إبراهيم: كل يوم يكشف لينا من الوطني بجد ومن يسعي لمصلحة شخصية.. الرجال فقط من سيظلون يدافعون عن أرضهم لآخر قطرة دم.

مينا سمير: للأسف البرادعي خذلنا وسلمنا للمجتمع الدولي تسليم أهالي.
أحمد الهواري: المشكلة أن الإخوان كانت بتهزيئه ومش طايقاه يطلع هو الوحيد اللي كان خايف على مصلحتهم..والله مهزلة. 
ميدو محمد: العبرة بالنهاية والأيام هتثبت أن البرادعى كان على حق كالعادة !